ബാലുശേരി എംഎല്‍എ കെ.എം. സച്ചിന്‍ ദേവും തിരുവനന്തപുരം മേയര്‍ ആര്യ രാജേന്ദ്രനും വിവാഹിതരാകുന്നു എന്ന വാര്‍ത്ത കഴിഞ്ഞ ദിവസമാണ് പുറത്തുവന്നത്. ആര്യ രാജ്യത്തെ ഏറ്റവും പ്രായം കുറഞ്ഞ മേയറും, സച്ചിന്‍ദേവ് നിയമസഭയിലെ ഏറ്റവും പ്രായകുറഞ്ഞ എംഎല്‍എയുമാണ്.

ഇതിന് പിന്നാലെ മേയര്‍ ആര്യ രാജേന്ദ്രനെതിരെ സോഷ്യല്‍ മീഡിയയില്‍ വലി രീതിയിലാണ് സൈബർ ആക്രമണം നടന്നത്. വലത്-കോണ്‍ഗ്രസ് പ്രൊഫൈലുകളില്‍ നിന്നാണ് ആര്യയ്ക്കെതിരെ സൈബര്‍ ആക്രമണം ഉണ്ടാവുന്നത്.

മുന്‍പ് അവര്‍ക്ക് ഒരു പ്രണയമുണ്ടായിരുന്നു എന്നാണ് ചിലരുടെ ആരോപണം. അതില്‍ നിന്നും മാറി മറ്റൊരാളെ വിവാഹം കഴിക്കുന്നു എന്നതാണ് ഒരു വിഭാഗം കാണുന്ന തെറ്റ്. നിരവധിപേരാണ് തെപ്പെന്നു പറയുകയൂം തേപ്പ് പെട്ടിയുടെ ചിത്രം പങ്കു വെച്ചതും. ഇതിൽ ചർച്ചയായി മാറിയത് ശ്രീജിത്‌പണിക്കർ പങ്കുവെച്ച തേപ്പ് പെട്ടിയുടെയും അമ്മിക്കല്ലിന്റെയും ചിത്രങ്ങളാണ്.

ആര്യയുടെയും സച്ചിന്‍ ദേവിന്റെയും വിവാഹ വാര്‍ത്ത പുറത്തു വന്നതിന് ശേഷമുള്ള മേയറുടെ പോസ്റ്റിന് താഴെയാണ് ഇത്തരത്തില്‍ അധിക്ഷേപ കമന്റുകള്‍ എത്തുന്നത്. തീര്‍ത്തും വ്യക്തിഹത്യ നടത്തുന്ന രീതിയിലാണ് വലത് സൈബര്‍ സ്പേസുകള്‍ ആര്യയെയും സച്ചിന്‍ ദേവിനെയും അധിക്ഷേപിച്ച്‌ കമന്റുകളിടുന്നത്.

മഹിളാ കോണ്‍ഗ്രസ് നേതാവ് ബിന്ദു കൃഷ്ണയുടെ പോസ്റ്റിന് താഴെയും ആര്യ രാജേന്ദ്രനെ അധിക്ഷേപിച്ചുള്ള അശ്ലീലവും ദ്വയാര്‍ത്ഥപരമായ കമന്റുകള്‍ വരുന്നുണ്ട്. 'ഇന്ത്യയിലെ പ്രായം കുറഞ്ഞ തേപ്പുകാരി', 'എന്തിന് തേച്ചൂ മേയരൂറ്റി', 'തേപ്പ് എന്ന വാക്കി മാറ്റി ഇനി മേയറടി എന്നാക്കിയാലോ' തുടങ്ങിയ കമന്റുകളാണ് എത്തുന്നത്.

എല്ലാം പെര്‍ഫക്‌ട് ഓക്കെ. ബട്ട്, ആ അനുപമയ്ക്കെതിരെ അസഭ്യവര്‍ഷം നടത്തിയ സഖാക്കന്മാര്‍ ഇവിടെ കമോണ്‍. തൊട്രാ പാക്കലാം' എന്ന ബിന്ദു കൃഷ്ണയുടെ പോസ്റ്റിന് കീഴിലാണ് ഇത്തരത്തിലുള്ള കമന്റുകള്‍ എത്തുന്നത്.

വിവാഹ തീയ്യതി പ്രഖ്യാപിച്ചില്ലെങ്കിലും ഇരുകുടുംബങ്ങളും ധാരണയായതായി സച്ചിന്റെ പിതാവ് കെ.എം നന്ദകുമാര്‍ പറഞ്ഞു. ഒരു മാസത്തിന് ശേഷമാവും വിവാഹം. ബാലസംഘം കാലം മുതലുള്ള ഇവരുടെ പരിചയമാണ് വിവാഹത്തിലേക്കെത്തിയത്. ബാലസംഘം, എസ്‌എഫ്‌ഐ പ്രവര്‍ത്തന കാലത്തു തന്നെ ഇരുവരും സുഹൃത്തുക്കളായിരുന്നു.