യു എ ഇ യിൽ നിന്ന് നാട്ടിലേയ്ക്ക് പണമയയ്ക്കാൻ ഇതാണ് ബെസ്ററ് ടൈം ..ഇന്നത്തെ കറന്‍സി വ്യാപാരപ്രകാരം വിനിമയ നിരക്ക് (today forex exchange rate) യുഎസ് ഡോളറിനെതിരെ (us dollar ) ഇന്ത്യന്‍ രൂപയുടെ മൂല്യം (Indian rupee) 74.84 ആയി ഉയര്‍ന്നു. രൂപയുടെ മൂല്യത്തിലുള്ള ഇടിവ് കാരണം വലിയതോതില്‍ യുഎഇയില്‍ നിന്ന് നാട്ടിലേക്ക് പണമയക്കുന്നവരുടെ എണ്ണം വര്‍ധിച്ചിട്ടുണ്ട്. കൂടാതെ പുതിയ കണക്കുകള്‍ പ്രകാരം മൂല്യത്തില്‍ ഇടിവ് രേഖപ്പെടുത്തിയിട്ടുണ്ട്

യുഎഇ ദിര്‍ഹവുമായുളള ഇന്ത്യന്‍ രൂപയുടെ വിനിമയ മൂല്യം ഇന്ന് ഒരു ദിര്‍ഹത്തിന് 20.39 ആയി. അതായത് 49.4 ദിര്‍ഹം നല്‍കിയാല്‍ ആയിരം ഇന്ത്യന്‍ രൂപ ലഭിക്കും. ഓഹരി വിപണിയുടെ ഇടിവ്, അസംസ്‌കൃത എണ്ണയുടെ (crude oil) വിലക്കയറ്റം, വിദേശ നിക്ഷേപകരുടെ (foreign investors) പിന്‍മാറ്റം എന്നിവയാണ് രൂപയുടെ മൂല്യം നേരത്തെ പെട്ടന്ന് ഇടിയാന്‍ കാരണമായി ചൂണ്ടിക്കാട്ടുന്നത്. റഷ്യ-ഉക്രെയ്ന്‍ സംഘര്‍ഷത്തിനിടെ ഡോളറിന്റെ(dollar) ഡിമാന്‍ഡ് വര്‍ധിച്ചതും യുഎഇ ദിര്‍ഹത്തിനെതിരെ ഇന്ത്യന്‍ രൂപയുടെ മൂല്യം ഇടിഞ്ഞതിന്റെ കാരണമാണ്.

നിക്ഷേപകരെ ശാന്തരാക്കിക്കൊണ്ട് യുക്രെയ്‌ൻ തർക്കത്തിൽ ഉച്ചകോടി നടത്താൻ യുഎസും റഷ്യയും സമ്മതിച്ചതായി റിപ്പോർട്ടുകൾ സൂചിപ്പിക്കുന്നു.. ഫ്രഞ്ച് പ്രസിഡൻ്റ് ഇമ്മാനുവൽ മാക്രോണിൻ്റെ മധ്യസ്ഥതയാണു ചർച്ചയ്ക്ക് വഴി ഒരുക്കിയത്. വിപണിയിൽ ഇതിൻ്റെ ആശ്വാസം പ്രതീക്ഷിക്കാം. എങ്കിലും വിപണിയിൽ സാഹസങ്ങൾക്കോ ഹ്രസ്വകാല പന്തയങ്ങൾക്കോ പറ്റിയ സമയമല്ല

സ്വർണവും ക്രൂഡ് ഓയിലും ഡോളർ സൂചികയും ഇന്നു രാവിലെ കുതിച്ച ശേഷം താഴാേട്ടു നീങ്ങി. ഓസ്ട്രേലിയയിലും കൊറിയയിലും ജപ്പാനിലും ഓഹരികൾ ആദ്യം കുത്തനെ ഇടിഞ്ഞു. പിന്നീടു നഷ്ടം കുറച്ചു. യുഎസ് ഓഹരി കളുടെ ഫ്യൂച്ചേഴ്സ് താഴ്ചയിൽ നിന്നു മാറി നേട്ടത്തിലായി. ബിറ്റ്കോയിൻ അടക്കം ക്രിപ്റ്റോ കറൻസികളും ഇടിഞ്ഞ ശേഷം തിരിച്ചു കയറാൻ ആരംഭിച്ചു.

റഷ്യ യുക്രൈൻ സംഘർഷം അടുത്ത തലത്തിലേക്കു നീങ്ങുമ്പോൾ യുദ്ധമല്ല, സാമ്പത്തിക ഉപരോധമാണു പ്രതീക്ഷിക്കാനുളളത്. . റഷ്യയുടെ എണ്ണ -പ്രകൃതി വാതക കയറ്റുമതി വിലക്കിയും അന്താരാഷ്ട്ര ബാങ്കിംഗ് സൗകര്യം ഇല്ലാതാക്കിയും ഒരു ഉപരോധം ഏർപ്പെടുത്തിയാൽ അതിൻ്റെ പ്രത്യാഘാതം ചില്ലറയായിരിക്കില്ല.