ഖത്തറില് പെരുന്നാള് ആഘോഷിക്കാനായി മരുഭൂമിയിലേക്ക് യാത്രപോയ സംഘം അപകട ത്തില് പെട്ട് മൂന്ന് മലയാളികള്ക്ക് ദാരുണാന്ത്യം
ഖത്തറില് പെരുന്നാള് ആഘോഷിക്കാനായി മരുഭൂമിയിലേക്ക് യാത്രപോയ സംഘം അപകട ത്തില് പെട്ട് മൂന്ന് മലയാളികള് മരിച്ചു. ചൊവ്വാഴ്ച ഉച്ചയോടെയാണ് അപകടം. മരണപ്പെട്ടവരുടെ പേര് വിവരങ്ങള് അറിവായിട്ടില്ല.
ആറു പേരുടെ സംഘം സഞ്ചരിച്ച ലാന്ഡ്ക്രൂയിസര് അപകടത്തില് പെടുകയായിരുന്നു. മൂന്നു പേര് സംഭവ സ്ഥലത്തു വച്ച് മരിച്ചു. അമ്മയും കുഞ്ഞും ഉള്പ്പെടെ മൂന്ന് പേര് പരിക്കുകളോടെ ആശുപ ത്രിയിലാണ്.
അതേസമയം യുഎഇയില് നിന്ന് ഒമാനിലെത്തിയ രണ്ടു മലയാളി കുടുംബങ്ങള് സഞ്ചരിച്ച വാഹനം അപകടത്തില്പ്പെട്ട് യുവതി മരിച്ചു. ആലപ്പുഴ കായകുളം ചേപ്പാട് സ്വദേശിനി പള്ളിതെക്കേതില് ഷീബ മേരി തോമസ് (33) ആണു മരിച്ചത്. ഏഴു പേര്ക്കു പരിക്കേറ്റു. അല് വുസ്ത ഗവര്ണറേറ്റിലെ ഹൈമയില് ഞായറാഴ്ച പുലര്ച്ചെയായിരുന്നു അപകടം നടന്നത്.
ദുബായില് നഴ്സായി ജോലി ചെയ്യുകയായിരുന്നു ഷീബ. കുടുംബത്തോടൊപ്പം പെരുന്നാള് അവധി ആഘോഷിക്കാനായി ദുബായില് നിന്നു സലാലയിലേക്കു വരുമ്പോഴായിരുന്നു അപകടമുണ്ടായത്. ഏഴുപേരടങ്ങുന്ന രണ്ടു കുടുംബങ്ങളായിരുന്നു വാഹനത്തിലുണ്ടായിരുന്നത്. ഇവര് സഞ്ചരിച്ചിരുന്ന വാഹനം ഹൈമക്ക് 50 കിലോമീറ്റര് അകലെവച്ചു മറിയുകയായിരുന്നു.
https://www.facebook.com/Malayalivartha