യാത്രയ്ക്കിടെ കാറില് പെട്രോള് തീര്ന്നു... കാര് ഉപേക്ഷിച്ച് നടന്ന യുവാവ് വഴിതെറ്റി മരുഭൂമിയില് കുടുങ്ങി ഒരാഴ്ചയോളം, ഒടുവില് സംഭവിച്ചത്
ജിദ്ദയില് മരുഭൂമിയില് അകപ്പെട്ട് കാണാതായ സൗദി യുവാവ് മിഷാല് സാലിമിനെ രക്ഷാപ്രവര്ത്തകര് കണ്ടെത്തി. പ്രാദേശിക മാധ്യമങ്ങളാണ് റിപ്പോര്ട്ട് ചെയ്തത്.
ഒരാഴ്ച മുമ്പ് സാലിം കുടുംബത്തെ സന്ദര്ശിക്കാന് പുറപ്പെട്ടതായിരുന്നു. കുറുക്കുവഴിയിലൂടെ വാഹനമോടിച്ചാണ് പോയത്. ഈ വഴി സാലിമിനു അപരിചിതമായിരുന്നു. യാത്രയ്ക്കിടെ കാറില് പെട്രോള് തീര്ന്നതിനെ തുടര്ന്ന് കാര് ഉപേക്ഷിച്ച് നടക്കാന് തുടങ്ങി.
പക്ഷേ മരുഭൂമിയില് വഴിതെറ്റി കുടുങ്ങുകയായിരുന്നു. തുടര്ന്ന് സിവില് ഡിഫെന്സ്, വ്യോമയാനം, സന്നദ്ധപ്രവര്ത്തകര് എന്നിവരെ ഉള്പ്പെടുത്തി വ്യാപകമായ തെരച്ചില് നടത്തുകയായിരുന്നു.
തെരച്ചിലിനെ തുടര്ന്ന് സൗദി അറേബ്യയിലെ തബൂക്കിന് സമീപമുള്ള ഒരു പര്വതപ്രദേശത്ത് കണ്ടെത്തിയ ഇദ്ദേഹത്തെ ആശുപത്രിയില് പ്രവേശിപ്പിച്ചു. ആരോഗ്യനില തൃപ്തികരമാണെന്നാണ് റിപ്പോര്ട്ട്.
"
https://www.facebook.com/Malayalivartha