ആലപ്പുഴ നഗരത്തിന്റെ വിവിധ വാര്ഡുകളില് കുട്ടികള്ക്ക് വയറിളക്കവും ഛര്ദ്ദിയും വ്യാപിക്കുന്നു.... രോഗവ്യാപനം തടയാന് ആരോഗ്യവകുപ്പ് ജാഗ്രതാ നിര്ദേശവും നല്കി
ആലപ്പുഴ നഗരത്തിന്റെ വിവിധ വാര്ഡുകളില് കുട്ടികള്ക്ക് വയറിളക്കവും ഛര്ദ്ദിയും വ്യാപിക്കുന്നു.... രോഗവ്യാപനം തടയാന് ആരോഗ്യവകുപ്പ് ജാഗ്രതാ നിര്ദേശവും നല്കി.
നഗരത്തില് വിവിധ വാര്ഡുകളില് രണ്ടു മുതല് 15 വയസുവരെ പ്രായമായ കുട്ടികളില് വയറിളക്കവും ഛര്ദിയും വ്യാപിക്കുകയാണ്. പതിവിലും കൂടുതല് കുട്ടികളാണ് കഴിഞ്ഞ രണ്ടു ദിവസങ്ങളിലായി നഗരത്തിലെ വിവിധ ആശുപത്രികളില് ചികിത്സ തേടിയെത്തിയത്. രണ്ടു ദിവസമായി പ്രതിദിനം 15 കുട്ടികളാണ് ചികിത്സ തേടിയെത്തുന്നത്. ഒരാഴ്ചയ്ക്കുള്ളില് നിരവധി കുട്ടികളാണ് സമാന ലക്ഷണങ്ങളുമായി ആശുപത്രികളിലെത്തിയത്.
ഭക്ഷണത്തില് നിന്നാകാം രോഗവ്യാപനത്തിനു സാധ്യതയെന്നാണ് ആരോഗ്യ വകുപ്പിന്റെ പ്രാഥമിക നിഗമനം. ചികിത്സ തേടിയെത്തിയ കുട്ടികള് കഴിച്ച ഭക്ഷണം പലതരത്തിലുള്ളതായതിനാല് ഏതില്നിന്നാണ് രോഗബാധയെന്നു പറയാന് കഴിയാത്ത അവസ്ഥയാണുള്ളത്.
മുന്തിരി ജ്യൂസും മത്സ്യവും കഴിച്ചവരാണ് രോഗബാധിതരായവരില് അധികവും. എന്നാല്, വെള്ളത്തില് നിന്നാണോ രോഗവ്യാപനം എന്നു കണ്ടെത്താനുള്ള പരിശോധന ആരോഗ്യ വകുപ്പ് തുടങ്ങി.
https://www.facebook.com/Malayalivartha
