ആലപ്പുഴയില് സ്കൂട്ടറില് പോലീസ് വാഹനത്തെ പിന്തുടര്ന്നെത്തിയയാള് എസ് ഐയെ വാള് ഉപയോഗിച്ച് വെട്ടി ....പരിക്കേറ്റത് വകവയ്ക്കാതെ കത്തിയുമായി ആക്രമിച്ച പ്രതിയെ സാഹസികമായി കീഴടക്കി എസ്ഐ...
സ്കൂട്ടറില് പോലീസ് വാഹനത്തെ പിന്തുടര്ന്നെത്തിയയാള് എസ് ഐയെ വാള് ഉപയോഗിച്ച് വെട്ടി .... ആലപ്പുഴയില് കത്തിയുമായി ആക്രമിച്ച പ്രതിയെ സാഹസികമായി കീഴടക്കി എസ്ഐ... കൈയ്യടിച്ച് സോഷ്യല് മീഡിയ. ആലപ്പുഴ ജില്ലയിലെ നൂറനാടാണ് സംഭവം നടന്നത്.
നൂറനാട് പോലീസ് സ്റ്റേഷനിലെ എസ് എച്ച് ഒയുടെ ചാര്ജുള്ള എസ് ഐ വി ആര് അരുണ് കുമാറിനാണ് (37) പരിക്കേറ്റത്. എന്നാല് പരിക്ക് വകവെയ്ക്കാതെ മല്പ്പിടിത്തത്തിലൂടെ എസ് ഐ പ്രതിയെ പിടികൂടി. നൂറനാട് മുതുകാട്ടുകര എള്ളുംവിളയില് സുഗതന് (48) ആണ് പിടിയിലായത്.
ഞായറാഴ്ച വൈകുന്നേരം ആറ് മണിയോടെ പോലീസ് സ്റ്റേഷന് സമീപം പാറ ജംഗ്ഷനില് വച്ചായിരുന്നു സംഭവം നടന്നത്. വൈകിട്ട് പട്രോളിങ് ഡ്യൂട്ടിക്കായി എസ് ഐ ജീപ്പില് വരികയായിരുന്നു. ഡ്രൈവര് മാത്രമാണ് കൂടെയുണ്ടായിരുന്നത്.
ജീപ്പിന് പിന്നാലെ സ്കൂട്ടറില് വന്ന പ്രതി പാറ ജംഗ്ഷനില് വെച്ച് ജീപ്പ് വേഗത കുറച്ച സമയം സ്കൂട്ടറില് വട്ടം വെച്ചു. ജീപ്പില് നിന്നും ഇറങ്ങിയ എസ്ഐയെ ഇയാള് വാള് ഉപയോഗിച്ച് കഴുത്തിന് വെട്ടാന് ശ്രമിക്കുകയായിരുന്നു. ഇത് കൈകൊണ്ട് തടയുമ്പോള് വിരലുകളില് പരിക്കേല്ക്കുകയും ചെയ്തു.
എന്നാല് പരിക്ക് വകവെയ്ക്കാതെ മല്പ്പിടിത്തത്തിലൂടെ എസ്ഐ അക്രമിയെ സാഹസികമായി പിടികൂടി. വിരലുകളില് മുറിവേറ്റത് കാരണം ഏഴ് സ്റ്റിച്ച് ഇടേണ്ടി വന്നിട്ടുണ്ട്. ഒരു വര്ഷം മുന്പാണ് അരുണ് കുമാര് നൂറനാട് സ്റ്റേഷനില് ചാര്ജ് എടുത്തത്.
സമീപത്തുള്ള സിസിടിവി ദൃശ്യങ്ങളാണ് സോഷ്യല് മീഡിയയില് പ്രചരിക്കുന്നത്. എസ് ഐ അരുണിന്റെ സാഹസികതയെ പ്രശംസിച്ച് നിരവധി പേര് രംഗത്തെത്തി.
"
https://www.facebook.com/Malayalivartha
