പൊരിവെയിലത്ത് മണലില് കുടുങ്ങി.... രക്ഷപ്പെടാനാവാതെ..... ഒമാനില് അപകടത്തില്പ്പെട്ട് മരുഭൂമിയില് കുടുങ്ങിയ തമിഴ്നാട് സ്വദേശികളായ രണ്ട് യുവാക്കള്ക്ക് ദാരുണാന്ത്യം... ഇരുവരും സഞ്ചരിച്ചിരുന്ന വാഹനത്തിന്റെ ടയര് മണലില് താഴ്ന്നാണ് അപകടം സംഭവിച്ചത്
ഒമാനില് അപകടത്തില്പ്പെട്ട് മരുഭൂമിയില് കുടുങ്ങിയ തമിഴ്നാട് സ്വദേശികളായ രണ്ട് യുവാക്കള് മരിച്ചു. മരുഭൂമിയില് സര്വേ ജോലിക്കായി പോയ തമിഴ്നാട് തിരുനെല്വേലി സ്വദേശി സയ്യിദ്മുഹമ്മദ് അമീസ് (30), തിരുച്ചിറപ്പള്ളി രാധനെല്ലൂര് സ്വദേശി ഗണേശ് വര്ധാന് (33) എന്നിവരാണ് മരിച്ചത്. ഇരുവരും സഞ്ചരിച്ചിരുന്ന വാഹനത്തിന്റെ ടയര് മണലില് താഴ്ന്നാണ് അപകടം സംഭവിച്ചത്.
ദോഫാര് തുംറൈത്തിന് അടുത്ത് ഒമാന്റെ അതിര്ത്തിപ്രദേശമായ ഒബാറിലാണ് ചൊവ്വാഴ്ച സര്വേ ജോലിക്കായി ഇരുവരും പോയത്. പൊരിവെയിലത്ത് മണലില് കുടുങ്ങിയ ഇരുവര്ക്കുമായി തിരച്ചില് നടത്തിയെങ്കിലും കണ്ടെത്താന് സാധിച്ചില്ല. വെഹിക്കിള് മോണിറ്ററിങ് സിസ്റ്റം (ഐവി എംഎസ്) സിഗ്നല് കാണിക്കാതിരുന്നത്കൊണ്ട് ഇവരുടെ ലൊക്കേഷന് കണ്ടെത്താന് കമ്പനി അധികൃതര്ക്കും കഴിഞ്ഞിരുന്നില്ല.
പൊലീസില് പരാതി നല്കി അടുത്ത ദിവസങ്ങളില് തന്നെ തിരച്ചില് ആരംഭിച്ചിരുന്നു. മരുഭൂമിയില് ഇവര് മരിച്ച് കിടക്കുന്നത് സ്വദേശികളാണ് ആദ്യം കണ്ടത്. മൃതദേഹങ്ങള് എയര് ലിഫ്റ്റ് ചെയ്ത് സലാല സുല്ത്താന് ഖാബൂസ് ആശുപത്രിയിലേക്കു മാറ്റിയിട്ടുണ്ട് .
"
https://www.facebook.com/Malayalivartha
