ഒമാനിലെ ഇന്ത്യന്‍ സോഷ്യല്‍ ക്ലബ് കേരള വിഭാഗം സംഘടിപ്പിക്കുന്ന ഈ വര്‍ഷത്തെ ഓണാഘോഷം ഇന്ന് നടക്കും...
ഒമാനിലെ ഇന്ത്യന്‍ സോഷ്യല്‍ ക്ലബ് കേരള വിഭാഗം സംഘടിപ്പിക്കുന്ന ഈ വര്‍ഷത്തെ ഓണാഘോഷം ഇന്ന് നടക്കും. റൂവിയിലെ അല്‍ ഫലാജ് ഹോട്ടലില്‍ വച്ച് വൈകിട്ട് ആറു മണി മുതലാണ് ആഘോഷ പരിപാടികള്‍ തുടങ്ങുക. പ്രശസ്ത ഗായകന്‍ ശ്രീ അലോഷി അവതരിപ്പിക്കുന്ന ഗസല്‍ ആണ് പരിപാടിയുടെ പ്രധാന ആകര്‍ഷണമായുള്ളത്.
കേരള വിഭാഗം കലാകാരികള്‍ അവതരിപ്പിക്കുന്ന ക്ലാസിക്കല്‍ നൃത്ത നാട്യശില്‍പ്പം ഡാന്‍സും ആഘോഷങ്ങളുടെ ഭാഗമായി അരങ്ങേറും. കൂടാതെ ശ്രീ തൃച്ചുര്‍ സുരേന്ദ്രന്റെ നേതൃത്വത്തില്‍ മസ്‌കറ്റ് പഞ്ചവാദ്യ സംഘം അവതരിപ്പിക്കുന്ന പഞ്ചവാദ്യവും ഓണാഘോഷങ്ങള്‍ക്ക് മിഴിവേകന്നതാണ്.
രണ്ടു വര്‍ഷത്തിനു ശേഷം കേരള വിഭാഗം വിപുലമായി സംഘടിപ്പിക്കുന്ന ഓണാഘോഷ പരിപാടിയിലേക്ക് മുഴുവന്‍ മലയാളികളെയും സ്വാഗതം ചെയ്യുന്നതായും പ്രവേശനം സൗജന്യമായിരിക്കുമെന്നും കേരള വിഭാഗം വാര്‍ത്താ കുറിപ്പില്‍ അറിയിക്കുകയുണ്ടായി.
https://www.facebook.com/Malayalivartha
