വോട്ടർപട്ടികയിൽ പേരുള്ള പ്രവാസികൾക്ക് വിദേശത്ത് തന്നെ വോട്ട് ചെയ്യാൻ ഇനി അവസരം ഉണ്ടാകും. കേന്ദ്ര സർക്കാരിന്റെ ഭാഗത്ത് നിന്നും വളരെ കൃത്യമായ ഇടപെടലാണ് ഇപ്പോൾ നടന്നിരിക്കുന്നത്. പ്രവാസികളുടെ വോട്ട് അത് പാഴാക്കാതെ വോട്ട് ചെയ്യാമുള്ള എല്ലാ ക്രമീകരണങ്ങൾ ഇനി കേന്ദ്രം ഒരുക്കും.

ഇനി തിരഞ്ഞെടുപ്പുകൾ വരുമ്പോൾ വിദേശത്താണല്ലോ വോട്ട് ചെയ്യാൻ പറ്റില്ലല്ലോ എന്ന കാര്യത്തിൽ ടെൻഷൻ വേണ്ട. പ്രവാസി ഇന്ത്യക്കാർക്കും, കുടിയേറ്റ തൊഴിലാളികൾക്കും തിരഞ്ഞടുപ്പുകളിൽ വോട്ട് ചെയ്യുന്നതിനുള്ള ക്രമീകരണം ഒരുക്കാൻ എല്ലാ നടപടികളും സ്വീകരിക്കുമെന്ന് കേന്ദ്ര സർക്കാർ സുപ്രീം കോടതിയെ അറിയിച്ചിരിക്കുകയാണ്.

തിരഞ്ഞെടുപ്പിന്റെ രഹസ്യാത്മകത നിലനിലനിര്‍ത്തിയാകും ഈ ക്രമീകരണം ഒരുക്കുകയെന്നും കേന്ദ്ര സർക്കാരിന് വേണ്ടി അറ്റോർണി ജനറൽ എം. വെങ്കിട്ട രമണി സുപ്രീം കോടതിയെ അറിയിച്ചു.

സർക്കാരിന്റെ ഈ ഉറപ്പിന്റെ അടിസ്ഥാനത്തിൽ പ്രവാസികൾക്ക് വോട്ട് അവകാശം ഉറപ്പാക്കണമെന്ന് ആവശ്യപ്പെട്ടുള്ള വിവിധ ഹർജികൾ സുപ്രീം കോടതി തീർപ്പാക്കി. വിദേശത്ത് ജോലി ചെയ്യുന്ന ഇന്ത്യക്കാര്‍ക്ക് അതത് രാജ്യങ്ങളില്‍ തിരഞ്ഞെടുപ്പ് സമയത്ത് വോട്ട് ചെയ്യാന്‍ കേന്ദ്ര സര്‍ക്കാര്‍ അവസരം ഒരുക്കണമെന്നായിരുന്നു ഹര്‍ജിയിലെ ആവശ്യം.