യുഎഇയുടെ വമ്പൻ നീക്കം...! തൊഴിൽ നഷ്ടപ്പെട്ട പ്രവാസികൾക്ക് ശമ്പളത്തിന്റെ 60 ശതമാനം മൂന്നുമാസം വരെ, യുഎഇയുടെ ഇൻഷൂറൻസ് പദ്ധതിയുമായി ബന്ധപ്പെട്ട് ഗവൺമെൻറ് പുറത്തുവിട്ട കൂടുതൽ വിവരങ്ങൾ ഇങ്ങനെ...!
പ്രവാസികൾക്ക് വളരെ ആശ്വാസകരമായ നടപടിയായിരുന്നു യുഎഇയിൽ ജോലി നഷ്ടപ്പെടുന്നവർക്ക് തൊഴിൽമന്ത്രാലയം പ്രഖ്യാപിച്ച ഇൻഷുറൻസ് പദ്ധതി. കാരണം തൊഴിൽ നഷ്ടപ്പെടുന്ന മാസങ്ങളിൽ പ്രവാസികൾക്ക് വലിയ സാമ്പത്തിക ബുദ്ധിമൂട്ടാണ് നേരിടേണ്ടിവരിക. ഈ ഒരു പ്രതിസന്ധി മറികടക്കാൻ യുഎഇയുടെ ഇൻഷൂറൻസ് പദ്ധതി വളരെയധികം ഗുണം ചെയ്യുന്നതാണ്. ഈ പദ്ധതിയുമായി ബന്ധപ്പെട്ട് ഗവൺമെൻറ് പുറത്തുവിട്ട കൂടുതൽ വിവരങ്ങൾ എന്താെക്കെയാണെന്ന് നോക്കാം...
അടുത്തവർഷം ജനുവരി ഒന്ന് മുതലാണ് പദ്ധതി നിലവിൽ വരിക. മാസം അഞ്ച് ദിർഹം നൽകി ഈ പദ്ധതിയിൽ ജീവനക്കാർക്ക് അംഗമാകാവുന്നതാണ്. പ്രീമിയം അടക്കേണ്ടത് ജീവനക്കാരാണെന്നും സ്ഥാപനമല്ലെന്നും മന്ത്രാലയം വ്യക്തമാക്കി. തൊഴിൽ നഷ്ടപ്പെടുന്നവർക്ക് ശമ്പളത്തിന്റെ 60 ശതമാനം വരെ മൂന്നുമാസം ഉറപ്പാക്കുന്ന പദ്ധതിയാണ് യു എ ഇ തൊഴിൽമന്ത്രാലയം അടുത്തിടെ പ്രഖ്യാപിച്ചത്.
ഫെഡറല് ഗവണ്മെന്റ് ജീവനക്കാര്ക്കും സ്വകാര്യ മേഖലയിലെ തൊഴിലാളികള്ക്കും പദ്ധതിയില് അംഗമാവാം. രാജ്യത്തെ ഒന്പത് ഇന്ഷുറന്സ് കമ്പനികളുമായാണ് പദ്ധതിക്കായി മാനവ വിഭവശേഷി സ്വദേശിവത്കരണ മന്ത്രാലയം ധാരണയിലെത്തിയിരിക്കുന്നത്.16,000 ദിർഹം വരെ ശമ്പളമുള്ളവർക്ക് മാസം അഞ്ച് ദിർഹം അല്ലെങ്കിൽ വർഷം 60 ദിർഹം പ്രീമിയം അടച്ച് പദ്ധതിയിൽ അംഗമാകാം.
16,000 ദിർഹത്തിന് മുകളിൽ ശമ്പളമുള്ളവർ മാസം പത്ത് ദിർഹമോ വർഷം 120 ദിർഹമോ അടക്കണം. 16,000 ദിർഹത്തിൽ താഴെ അടിസ്ഥാന ശമ്പളമുള്ളവർക്ക് മാസം പരമാവധി 10,000 ദിർഹം വിതമാണ് തൊഴിൽ നഷ്ടപ്പെട്ടാൽ മൂന്നുമാസം ലഭിക്കുക. 16,000 ദിർഹത്തിന് മുകളിൽ ശമ്പളമുള്ളവർക്ക് മാസം പരമാവധി 20,000 ദിർഹം വരെ ഇൻഷൂറൻസ് ലഭിക്കും.
ഇന്ഷുറന്സ് കമ്പനികളുടെ പൂളിന്റെ വെബ്സൈറ്റ്, സ്മാര്ട്ട് ആപ്ലിക്കേഷന്, ബാങ്ക് എടിഎമ്മുകള്, കിയോസ്ക് മെഷീനുകള്, ബിസിനസ് സര്വീസ് സെന്ററുകള്, മണി എക്സ്ചേഞ്ച് കമ്പനികള്, ടെലികോം കമ്പനികളായ ടു, എത്തിസാലാത്ത്, എസ്.എം.എസ് എന്നിവയിലൂടെയും മാനവ വിഭവശേഷി സ്വദേശിവത്കരണ മന്ത്രാലയം നിശ്ചയിക്കുന്ന മറ്റ് ചാനലുകളിലൂടെയും ഇന്ഷുറന്സ് പദ്ധതിയില് അംഗമാവാം.
ജോലി നഷ്ടമായ ദിവസം മുതല് 30 ദിവസത്തിനകം അപേക്ഷ നല്കിയിരിക്കണം. അപേക്ഷ ലഭിച്ചാല് രണ്ടാഴ്ചയ്ക്കകം പണം ലഭിക്കും. പരമാവധി മൂന്ന് മാസം വരെയായിരിക്കും ഒരു തവണ ഇങ്ങനെ പണം ലഭിക്കുക. ഇന്ഷുറന്സ് പദ്ധതിയില് അംഗമാവുകയും അതിന് ശേഷം തുടര്ച്ചയായി 12 മാസമെങ്കിലും ജോലി ചെയ്യുകയും ചെയ്ത് കഴിഞ്ഞവര്ക്കേ ക്ലെയിം ലഭിക്കൂകയുള്ളൂ. മറ്റൊരു ജോലിയില് പ്രവേശിച്ചാലോ അല്ലെങ്കില് രാജ്യം വിട്ടുപോയാലോ പദ്ധതിയിലൂടെയുള്ള തുക ലഭിക്കില്ല.
അച്ചടക്ക നടപടികളുടെ ഭാഗമായി പുറത്താക്കപ്പെട്ടവര്ക്കും ഇന്ഷുറന്സ് തുക ലഭിക്കില്ല. നിക്ഷേപകര്, സ്വന്തം കമ്പനിയില് ജോലി ചെയ്യുന്നവര്, ഗാര്ഹിക തൊഴിലാളികള്, താത്കാലിക കരാര് അടിസ്ഥാനത്തില് ജോലി ചെയ്യുന്നവര്, 18 വയസിന് താഴെയുള്ളവര്, ഒരു ജോലിയില് നിന്ന് ആനുകൂല്യങ്ങള് പറ്റി വിരമിച്ച ശേഷം മറ്റൊരു ജോലിയില് പ്രവേശിച്ചവര് എന്നിവരൊന്നും പദ്ധതിയില് ചേരാന് യോഗ്യരല്ല. എന്നാല് കമ്മീഷന് അടിസ്ഥാനത്തില് ജോലി ചെയ്യുന്നവര്ക്ക് പദ്ധിതിയില് ചേരാനാവും.
https://www.facebook.com/Malayalivartha
