പ്രവാസികളുടെ ബജറ്റ് എയർലൈനായ ഇൻഡിഗോ ഇപ്പോൾ വമ്പൻ ഓഫറുകളുമായിട്ടാണ് എത്തിയിരിക്കുന്നത്. ഈ ഉത്സവ സീസണിലും അന്താരാഷ്ട്ര യാത്രയ്ക്ക് കലക്കൻ ഓഫറാണ് ഇൻഡിഗോ പ്രഖ്യാപിച്ചിരിക്കുന്നത്. സാധാരണക്കാർക്കും വിമാനയാത്ര ആസ്വദിക്കാമെന്ന തരത്തിൽ ആഭ്യന്തര സർവ്വീസുകൾക്കും നിരക്കിളവുണ്ട്. ആഭ്യന്തര, അന്തർദേശീയ ഫ്ലൈറ്റുകൾക്കായി പ്രത്യേക മൂന്ന് ദിവസത്തെ ശൈത്യകാല ഓഫറുകൾ ആണ് ആരംഭിച്ചത്.

2023 ജനുവരി 15 മുതൽ 2023 ഏപ്രിൽ 14 വരെയുള്ള യാത്രകൾക്കാന് ഇത് ബാധകമാകുക. 2022 ഡിസംബർ 23 മുതൽ 25 വരെ നടക്കുന്ന വിൽപ്പനയിൽ ആഭ്യന്തര വിമാനങ്ങൾക്ക് 2,023 രൂപ മുതലും അന്താരാഷ്ട്ര വിമാനങ്ങൾക്ക് 4,999 രൂപ മുതലുമായിരിക്കും നിരക്ക്. കൂടാതെ, ഇൻഡിഗോയുടെ പങ്കാളി ബാങ്കായ എച്ച്എസ്ബിസിയിൽ നിന്ന് ഉപഭോക്താക്കൾക്ക് ക്യാഷ്ബാക്കും ലഭിക്കും.

ടിക്കറ്റ് ബുക്ക് ചെയ്യുന്നതിനായി 2022 ഡിസംബർ 23 മുതൽ 2022 ഡിസംബർ 25 വരെ സാധിക്കും. ഓഫറിന് കീഴിൽ പരിമിതമായ ഇൻവെന്ററി ലഭ്യമാണ്, ഈ ഓഫർ മറ്റേതെങ്കിലും ഓഫർ, സ്കീം അല്ലെങ്കിൽ പ്രൊമോഷൻ എന്നിവയുമായി ബന്ധിപ്പിക്കാൻ കഴിയില്ല, മാത്രമല്ല ഇൻഡിഗോയുടെ ഗ്രൂപ്പ് ബുക്കിംഗുകളിൽ ഈ നിരക്കുകൾ ലഭിക്കില്ല.

ഗ്രൂപ്പ് ബുക്കിങ്ങുകൾ നടത്തുന്നവർക്ക് ഓഫർ ഇല്ലാത്ത സാധാരണ നിരക്ക് മാത്രമേ ലഭിക്കുകയുള്ളു. കൂടാതെ, ഉപഭോക്താക്കൾക്ക് ഇൻഡിഗോയുടെ പങ്കാളിയായ എച്ച്എസ്ബിസിയിൽ നിന്ന് ക്യാഷ്ബാക്കും ലഭിക്കുക ഈ ഓഫർ പ്രകാരം ലഭിക്കുകയുള്ളു.

എച്ച്എസ്ബിസി ക്രെഡിറ്റ് കാർഡ് മുഖേന ഫ്ലൈറ്റ് ടിക്കറ്റുകൾ ബുക്ക് ചെയ്യുന്ന ഉപഭോക്താക്കൾക്ക് അഞ്ച് ശതമാനം തുക അല്ലെങ്കിൽ പരമാവധി 750 രൂപ‌ വരെ ക്യാഷ് ബാക്ക് ലഭിക്കും. ഫ്ലൈറ്റുകൾക്കും അനുബന്ധ സേവനങ്ങൾക്കും ഓഫർ ലഭ്യമാണ്. ഇൻഡിഗോയുടെ വെബ്‌സൈറ്റിലൂടെയോ മൊബൈൽ ആപ്ലിക്കേഷനിലൂടെയോ വാലിഡ് എച്ച്എസ്ബിസി ബാങ്ക് ക്രെഡിറ്റ് കാർഡ് ഉപയോഗിച്ച് നടത്തുന്ന ഇടപാടുകൾക്കാണ് ഓഫർ ബാധകമാവുക.

ഇന്ത്യയിൽ ഏറ്റവും കുറഞ്ഞ നിരക്കിൽ സേവനം നൽകുന്ന ബജറ്റ് കാരിയറുകളിൽ ഒന്നാണ് ഇൻഡിഗോ. എയർലൈൻ കമ്പനിക്ക് 290 വിമാനങ്ങളാണുള്ളത്, കൂടാതെ പ്രതിദിനം 1600-ലധികം ഫ്ലൈറ്റുകൾ പ്രവർത്തിപ്പിക്കുകയും 76 ആഭ്യന്തര റൂട്ടുകളിലും 26 അന്താരാഷ്ട്ര റൂട്ടുകളിലും സർവീസ് നൽകുകയും ചെയ്യുന്നു.