സാന്റാ ക്ലോസിന്റെ തൊപ്പിയും ധരിച്ച് കലമാനുകള് വഹിച്ചോണ്ട് പോകുന്ന എമിറേറ്റ്സ് വിമാനം, സമൂഹമാധ്യമങ്ങളിൽ എമിറേറ്റ്സ് എയര്ലൈന്സ് പുറത്തുവിട്ട വീഡിയോ
ലോകമാകെ ക്രിസ്മസ് ആഘോഷത്തിലാണ്. ആളുകള്ക്ക് ഒത്തുചേരാനും സന്തോഷം പങ്കുവെക്കാനുമുള്ള അവസരം കൂടിയാണ് ക്രിസ്മസ്. നക്ഷത്രങ്ങളും പുല്ക്കൂടുണ്ടാക്കിയും വീട് ആലങ്കരിച്ചും ക്രിസ്മസ് വിഭവങ്ങൾ ഉണ്ടാക്കിയും ആഘോഷം പൊടിപൊടിക്കുകയാണ്. ക്രിസ്മസ്
കാലം എത്തിയതോടെ പല തരത്തിലുള്ള ഗ്രാഫിക്സ് ആണ് സോഷ്യൽ മീഡിയയിൽ വെെറലാകുന്നത്. എന്നാൽ യുഎഇ വിമാന കമ്പനി ഇത്തവണ ലോകത്തെ തന്നെ ഞെട്ടിപ്പിച്ചിരിക്കുകയാണ്.
ആഗോള വിമാനക്കമ്പനിയായ എമിറേറ്റ്സാണ് വ്യത്യസ്തമായ വീഡിയോയുമായെത്തി സമൂഹമാധ്യമങ്ങളില് ശ്രദ്ധ നേടുന്നത്. എല്ലാവർക്കും ഇഷ്ടപ്പെടുന്ന ഒരു ക്രിസ്തുമസ് വീഡിയോ ആണ് എമിറേറ്റ്സ് എയര്ലൈന്സ് പുറത്തുവിട്ടിരിക്കുന്നത്. ക്യാപ്റ്റന് ക്ലോസ് ടേക്ക് ഓഫിന് അനുമതി തേടുന്നു എന്ന കുറിപ്പോടെയാണ് എമിറേറ്റ്സ് 100 പിക്സല്സിനൊപ്പം വീഡിയോ ഷെയര് ചെയ്തിരിക്കുന്നത്. സാന്റാ ക്ലോസിന്റെ തൊപ്പിയും ധരിച്ച് കലമാനുകള് വഹിച്ചോണ്ട് പോകുന്ന എമിറേറ്റ്സ് വിമാനത്തെയാണ് വീഡിയോയില് കാണാന് സാധിക്കുന്നത്.
സാന്റയുടെ വാഹനം പോലെ ആക്കിയിരിക്കുകയാണ് എമിറേറ്റ്സ് വിമാനം. റണ്വേയിലൂടെ മുന്നോട്ട് പോകുന്നതനുസരിച്ച് കലമാനുകള് വേഗത കൂട്ടി അവസാനം പറന്നകലുകയാണ്. ഒരു തൊപ്പിയെല്ലാം വച്ചിട്ടുണ്ട്. വിമാന കമ്പനി ഇന്നലെ പങ്കുവച്ച വീഡിയോ ഇതിനോടകം കണ്ടത് 65 ലക്ഷത്തിലധികം പേരാണ്. നാലര ലക്ഷത്തോളം പേര് വീഡിയോ ലൈക്ക് ചെയ്തിട്ടുമുണ്ട്. ഇന്സ്റ്റഗ്രാമിലും വീഡിയോ വെെറലായിരിക്കുകയാണ്. വളരെ രസകരമായ കമന്റുകൾ ആണ് സോഷ്യൽ മീഡിയയിൽ എത്തുന്നത്.
https://www.facebook.com/Malayalivartha
