സാമ്പത്തിക പിന്നാക്കാവസ്ഥയിലുളള പ്രവാസികളുടെയും നാട്ടില് തിരിച്ചെത്തിയവരുടേയും മക്കളുടെ ഉപരിപഠനത്തിനായുളള നോര്ക്ക റൂട്ട്സ് ഡയറക്ടേഴ്സ് സ്കോളര്ഷിപ്പിന് അപേക്ഷിക്കാനുള്ള തീയതി നീട്ടി
സാമ്പത്തിക പിന്നാക്കാവസ്ഥയിലുളള പ്രവാസികളുടെയും നാട്ടില് തിരിച്ചെത്തിയവരുടേയും മക്കളുടെ ഉപരിപഠനത്തിനായുളള നോര്ക്ക റൂട്ട്സ് ഡയറക്ടേഴ്സ് സ്കോളര്ഷിപ്പിന് അപേക്ഷിക്കാനുള്ള തീയതി നീട്ടി.
ഡിസംബര് 23ല് നിന്ന് 2023 ജനുവരി ഏഴിലേയ്ക്കാണ് ദീര്ഘിപ്പിച്ചത്. 2022-23 അധ്യായന വര്ഷം പ്രൊഫഷണല് ബിരുദം, ബിരുദാനന്തര ബിരുദം എന്നീ കോഴ്സുകള്ക്ക് ചേര്ന്ന വിദ്യാര്ത്ഥികള്ക്കാണ് ആനുകൂല്യം കിട്ടുക.
കുറഞ്ഞത് രണ്ടു വര്ഷമെങ്കിലും വിദേശത്ത് ജോലി ചെയ്തിട്ടുളള ഇ.സി.ആര് ( എമിഗ്രേഷന് ചെക്ക് റിക്വയേഡ്) കാറ്റഗറിയില്പ്പെട്ട വരുടെയും, രണ്ടു വര്ഷമെങ്കിലും വിദേശത്ത് ജോലി ചെയ്ത് നാട്ടില് തിരിച്ചെത്തിയവരുടേയും(വാര്ഷികവരുമാനം രണ്ടു ലക്ഷം രൂപയില് കൂടാന് പാടില്ല) മക്കളുടെ ഉപരിപഠനത്തിനാണ് സ്കോളര്ഷിപ്പ് ലഭിക്കുക.
പഠിക്കുന്ന കോഴ്സിന്റെ യോഗ്യതാ പരീക്ഷയില് ചുരുങ്ങിയത് 60 ശതമാനത്തിലധികം മാര്ക്കുള്ളവരും, റഗുലര് കോഴ്സിന് പഠിക്കുന്നവര്ക്കും മാത്രമേ അപേക്ഷിക്കാന് കഴിയൂ. കേരളത്തിലെ സര്വ്വകലാശാലകള് അംഗീകരിച്ച കോഴ്സുകള്ക്കും, അംഗീകൃത വിദ്യാഭ്യാസ സ്ഥാപനങ്ങളില് പഠിക്കുന്നവരുമാകണം അപേക്ഷകര്.അപേക്ഷകള് www.scholarship.norkaroots.org എന്ന വെബ് സൈറ്റ് വഴി ഓണ്ലൈനിലൂടെയാണ് നല്കേണ്ടത്.
"
https://www.facebook.com/Malayalivartha
