ചെയ്യുന്ന ജോലിക്ക് മികച്ച ശമ്പളം തേടിയാണ് പ്രവാസികൾ വിദേശത്ത് തൊഴിൽ തേടിയെത്തുന്നത്. അങ്ങനെ ഇന്ത്യയിൽ സമ്പാദിക്കുന്നതിന്റെ ഇരട്ടി തുകയാണ് വിദേശത്ത് ജോലി ചെയ്താൽ ലഭിക്കുകയും ചെയ്യും. എന്നാൽ ഈ ശമ്പളം നാട്ടിലെ ബാങ്ക് അക്കൗണ്ടിലേക്ക് അയക്കുന്നുണ്ടെങ്കിൽ അത് കണ്ട് പല ബാങ്ക് ഉദ്യോഗസ്ഥരും പല ലോണുകളും വാഗ്ദാനം ചെയ്യാറുള്ളത് പതിവ് കാഴ്ചയാണ്. എന്നാൽ മനസിൽ ആദ്യം തെളിയുന്നത് നാട്ടിലെ പല ആവശ്യങ്ങളുമാണ്.

അതായത് വീട് മോഡി പിടിക്കുക, വാഹനം വാങ്ങുക എന്നിങ്ങനെ നീളുന്നു ആവശ്യങ്ങളുടെ പട്ടിക. എന്നാൽ കഷ്ടപ്പെട്ട് സമ്പാദിച്ച പണം ഇങ്ങനെ ചെലവാക്കേണ്ട കാര്യമുണ്ടോ ? ഇതിന് ഉത്തരം തന്റെ ഇൻസ്റ്റഗ്രാം പേജിലൂടെ നൽകുകയാണ് പന്റഡ് സെക്യൂരിറ്റീസ് സിഇഒ നിഖിൽ ഗോപാലകൃഷ്ൻ .

വീട് മോഡി പിടിപ്പിക്കാൻ ലോൺ എടുക്കണോ എന്നാണ് ചോദ്യം. അതിന് ചില കണക്കുകൾ പരിശോധിക്കാവുന്നതാണ്. ഒരു പ്രവാസി 15 ലക്ഷം രൂപ 9% പലിശ നിരക്കിൽ എടുക്കുന്നു എന്ന് കരുതുക. മാസം വരുന്ന ഇഎംഐ 19,000 രൂപയായിരിക്കും. ഒരു പ്രവാസിയെ സംബന്ധിച്ച് അത് വലിയൊരു തുകയാകാൻ സാധ്യതയില്ല. എന്നാൽ ഈ തുക 10 വർഷം തിരിച്ചടച്ചാൽ 23 ലക്ഷം രൂപയാകുകയും ചെയ്യും. എന്നാൽ നമ്മുടെ ആവശ്യങ്ങൾ നിറവേറ്റാൻ ലോൺ എടുക്കുന്നതിൽ തെറ്റില്ല.

പക്ഷേ ഒരു അഞ്ച് വർഷം കൂടി കാത്തിരുന്ന് ആവശ്യത്തിനുള്ള പണം സ്വരൂപിച്ച് കുറഞ്ഞ ലോൺ എടുത്താൽ പോരെ എന്ന് ചിന്തിക്കുക കൂടി ചെയ്യണം. ഈ തുക മ്യൂച്വൽ ഫണ്ടിലോ മറ്റോ നിക്ഷേപിച്ചാൽ നല്ല റിട്ടേൺ തിരികെ ലഭിക്കുന്നതാണ്. അതിലെ ലാഭം എടുത്താൽ മാത്രം മതി ആവശ്യങ്ങൾ നിറവേറ്റാൻ.

കൂടത്തെ വാഹനം വാങ്ങുന്നതിൽ തെറ്റില്ല. പക്ഷേ ഒന്നോ രണ്ടോ മാസത്തേക്ക് വേണ്ടി ഒരു വാഹനം വാങ്ങണോ ? പ്രവാസികൾ നാട്ടിൽ വരുന്നത് വർഷത്തിൽ ഒന്നോ രണ്ടോ മാസത്തേക്ക് മാത്രമാണ്. അപ്പോൾ ഉള്ള ആവശ്യത്തിന് വേണ്ടി ഒരു കാർ വാങ്ങേണ്ടതുണ്ടോ എന്ന കാര്യം കൂടി ചിന്തിക്കേണ്ടതാണ്. ഒരു മാസത്തേക്കും മറ്റും കാർ വാടകയ്‌ക്കെടുത്തും ആവശ്യങ്ങൾ നിറവേറ്റാം. അതല്ല, നാട്ടിൽ കാർ ഉപയോഗിക്കുന്ന പങ്കാളി ഉണ്ടെങ്കിൽ കാർ വാങ്ങുന്നതിനെ കുറിച്ച് ചിന്തിക്കാവുന്നതാണ്.

എന്നാൽ മറ്റൊന്ന് സ്ഥലം വാങ്ങുന്നതിലെ പിഴവാണ്. പ്രവാസികൾ നാട്ടിലെത്തിയാൽ പല പരിചയക്കാരും പല സ്ഥലങ്ങളും വാങ്ങുവാൻ നിർബന്ധിക്കുന്നതാണ്. ഈ സ്ഥലം വാങ്ങിയാൽ എത്ര രൂപ ലാഭം ലഭിക്കുമെന്ന് നിങ്ങൾ ആലോചിക്കണം. അതുകൊണ്ട് തന്നെ ആവശ്യമില്ലെങ്കിൽ ലോൺ എടുത്ത് സ്ഥലം വാങ്ങാതിരിക്കുന്നതാണ് ഏറ്റവും നല്ലത്.