കണ്ണീരിലാഴ്ത്തി മലയാളി നഴ്‌സിന്റെ മരണം.... ഡ്യൂട്ടിയ്‌ക്കെത്താത്തതിനെ തുടര്‍ന്ന നടത്തിയ അന്വേഷണത്തില്‍ വീട്ടില്‍ യുവാവിനെ മരിച്ച നിലയില്‍ കണ്ടെത്തി..... ഉറക്കത്തില്‍ സംഭവിച്ച ഹൃദയാഘാതമാകാം മരണ കാരണമെന്നാണു പ്രാഥമിക നിഗമനം
കണ്ണീരിലാഴ്ത്തി മലയാളി നഴ്‌സിന്റെ മരണം.... ഡ്യൂട്ടിയ്‌ക്കെത്താത്തതിനെ തുടര്‍ന്ന നടത്തിയ അന്വേഷണത്തില്‍ വീ്ട്ടില്‍ യുവാവിനെ മരിച്ച നിലയില്‍ കണ്ടെത്തി..... ഉറക്കത്തില്‍ സംഭവിച്ച ഹൃദയാഘാതമാകാം മരണ കാരണമെന്നാണു പ്രാഥമിക നിഗമനം.
യുകെയിലെ മലയാളികളെ ദുഃഖത്തിലാഴ്ത്തിയിരിക്കുകയാണ് മലയാളി നഴ്‌സിന്റെ മരണം. യുകെ വെസ്റ്റ് മിഡ്‌ലാന്‍ഡ്‌സിലെ കവന്ററി യൂണിവേഴ്‌സിറ്റി ഹോസ്പിറ്റലില്‍ നഴ്സായ തിരുവനന്തപുരം ഉദിയന്‍കുളങ്ങര സ്വദേശി എം.എസ് അരുണ്‍ (33) ആണു വീട്ടില്‍ മരിച്ച നിലയില്‍ കാണപ്പെട്ടത്.
ബുധനാഴ്ച നൈറ്റ് ഡ്യൂട്ടിക്ക് എത്തേണ്ട അരുണ്‍ ഹോസ്പിറ്റലില്‍ എത്താതായതോടെ കവന്ററി യൂണിവേഴ്‌സിറ്റി ഹോസ്പിറ്റല്‍ അധികൃതര്‍ പൊലീസിനെ ബന്ധപ്പെടുകയായിരുന്നു. ഇതേതുടര്‍ന്ന് ഇന്നലെ ഉച്ചകഴിഞ്ഞ് പൊലീസ് അന്വേഷിച്ചെത്തിയപ്പോഴാണ് അരുണ്‍ മരിച്ചതായി കണ്ടെത്തുന്നത്.
മൃതദേഹം കണ്ടെത്തുമ്പോള്‍ ചെവിയില്‍ ഹെഡ്‌സെറ്റ് വച്ചു പാട്ട് കേള്‍ക്കുന്ന നിലയിലായിരുന്നു. ഉറക്കത്തില്‍ സംഭവിച്ച ഹൃദയാഘാതമാകാം മരണ കാരണമെന്നാണു പ്രാഥമിക നിഗമനം. ഒന്നര വര്‍ഷം മുന്‍പാണു അരുണ്‍ കവന്ററിയില്‍ എത്തിയത്. നഴ്സായ ഭാര്യ ആര്യക്കും അരുണ്‍ ജോലി ചെയ്യുന്ന സ്ഥാപനത്തില്‍ ജോലി കിട്ടിയിരുന്നു. ഇതിനെ തുടര്‍ന്ന് ആര്യയും മൂന്ന് വയസുള്ള കുഞ്ഞും കവന്ററിയില്‍ എത്താനുള്ള ഒരുക്കത്തിലായിരുന്നു. ഇതിന്റെ വീസ നടപടികള്‍ പുരോഗമിക്കവേയാണ് അരുണിന്റെ ജീവന്‍ നഷ്ടമായത്.
കവന്ററി ഹോസ്പിറ്റലില്‍ ഐടിയു വിഭാഗത്തില്‍ നഴ്‌സ് ആയിരുന്നു അരുണ്‍. തിരുവനന്തപുരം അമരവിള ഉദിയന്‍കുളങ്ങര ഇളങ്കം ലെയിന്‍ അരുണിമയില്‍ മുരളീധരന്‍ നായര്‍, കുമാരി ശാന്തി എന്നിവരാണ് മാതാപിതാക്കള്‍. എം.എസ് ആതിര സഹോദരിയും. സംസ്‌കാരം പിന്നീട് നാട്ടില്‍ നടക്കും. മൃതദേഹം നാട്ടില്‍ എത്തിക്കുന്നത് ഉള്‍പ്പെടെയുള്ള നടപടി ക്രമങ്ങള്‍ പുരോഗമിക്കുന്നു..
"
https://www.facebook.com/Malayalivartha
