കണ്ണീരടക്കാനാവാതെ..... സൗദി അറേബ്യയിലെ അല്‍ അഹ്സയില്‍ കാര്‍ ഒട്ടകവുമായി കൂട്ടിയിടിച്ചു കര്‍ണാടക മംഗ്ലുരു സ്വദേശികളായ മൂന്നു പേര്‍ ഉള്‍പ്പെടെ നാലു യുവാക്കള്‍ക്ക് ദാരുണാന്ത്യം.

സ്വകാര്യ കമ്പനി ജീവനക്കാരായ അഖില്‍ നുമാന്‍, മുഹമ്മദ് നസീര്‍, മുഹമ്മദ് റിദ്വാന്‍ എന്നിവരാണ് മരിച്ച മംഗ്ലുരു സ്വദേശികള്‍. മരിച്ച നാലാമന്‍ ബംഗ്ലദേശ് സ്വദേശിയാണ്. ഇന്നലെ രാത്രിയാണു സംഭവം നടന്നത്.

നാലുപേരും സംഭവസ്ഥലത്തു തന്നെ മരണമടഞ്ഞു. മൃതദേഹങ്ങള്‍ അല്‍ഹസ്സ കിങ് ഫഹദ് ആശുപത്രിയില്‍ സൂക്ഷിച്ചിരിക്കുകയാണ്. മരിച്ചവര്‍ സ്വകാര്യ കമ്പനി ജീവനക്കാരായിരുന്നു.