പുതിയ പറക്കും ടാക്സികള്ക്ക് അനുമതി നല്കി യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂം
പുതിയ പറക്കും ടാക്സികള്ക്ക് അനുമതി നല്കി യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂം.
മൂന്നുവര്ഷത്തിനകം പ്രവര്ത്തനം തുടങ്ങുന്ന പുതിയ എയര് ടാക്സി സ്റ്റേഷനുകളുടെ രൂപകല്പനയും ശൈഖ് മുഹമ്മദ് പരിശോധിച്ചു.
ദുബായില് തിങ്കളാഴ്ച തുടങ്ങാനിരിക്കുന്ന ആഗോള സര്ക്കാര് ഉച്ചകോടിക്ക് മുന്നോടിയായി ഉദ്യോഗസ്ഥരുമായി നടത്തിയ കൂടിക്കാഴ്ചയിലാണ് പറക്കും ടാക്സിക്ക് അംഗീകാരം നല്കിയത്.
തന്റെ ട്വിറ്റര് അക്കൗണ്ടിലൂടെയാണ് ഇക്കാര്യം ശൈഖ് മുഹമ്മദ് ലോകത്തെ അറിയിച്ചത്. എയര് ടാക്സികളുടെ ഒരു വീഡിയോയും അദ്ദേഹം പങ്കുവെച്ചിട്ടുണ്ട്.
2026-ല് എയര് ടാക്സികള് പ്രവര്ത്തിക്കാന് തുടങ്ങുന്നതിന് ആവശ്യമായ അടിസ്ഥാനസൗകര്യങ്ങള് വികസിപ്പിക്കാനും രൂപകല്പനചെയ്യാനും ദുബായ് റോഡ്സ് ആന്ഡ് ട്രാന്സ്പോര്്ട്ട് അതോറിറ്റിയുമായി പ്രവര്ത്തിക്കുന്നുണ്ടെന്നും അദ്ദേഹം ട്വിറ്ററിലൂടെ അറിയിച്ചു.
തുടക്കത്തില് എയര് ടാക്സികള് ദുബായ് ഇന്റര്നാഷണല് എയര്പോര്ട്ട്, ഡൗണ്ടൗണ് ദുബായ്, പാം ജുമൈറ, ദുബായ് മറീന എന്നീ നാല് പ്രദേശങ്ങള്ക്കിടയിലാകും സര്വീസ് നടത്തുന്നത്. ബ്രസീലിയന് ഇലക്ട്രിക് എയര്ക്രാഫ്റ്റ് കമ്പനിയായ ഈവ് ഹോള്ഡിങ്ങും യു.എ.ഇ. ആസ്ഥാനമായുള്ള ചാര്ട്ടര് ഫ്ളൈറ്റ് ഓപ്പറേറ്ററായ ഫാല്ക്കണ് ഏവിയേഷന് സര്വീസസും ചേര്ന്ന് ദുബായില് 35 എയര് ടാക്സികള് പ്രവര്ത്തിപ്പിക്കാനാണ് പദ്ധതിയുള്ളത്.
"
https://www.facebook.com/Malayalivartha
