കുവൈത്തിൽ രണ്ട് കുട്ടികളെ കൊന്ന ശേഷം പ്രവാസി വനിത ആത്മഹത്യ ചെയ്‍തു. ഫഹാഹീലിലെ സൂഖ് സബാഹിൽ കഴിഞ്ഞ ദിവസം ഉച്ചയ്ക്ക് 12 മണിയോടെ ആയിരുന്നു സംഭവമെന്ന് അറബ് മാധ്യമങ്ങൾ റിപ്പോർട്ട് ചെയ്‍തു. കൊല്ലപ്പെട്ട കുട്ടികളും ആത്മഹത്യ ചെയ്‍ത യുവതിയും ഇന്ത്യക്കാരാണെന്ന് മാത്രമാണ് റിപ്പോർട്ടുകളിലുള്ളത്. ഇവരെക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല.

രണ്ട് ആൺ കുട്ടികളെ അവരുടെ അമ്മ ശ്വാസം മുട്ടിച്ച് കൊല്ലുകളും തുടർന്ന് അമ്മ അവർ താമസിച്ചിരുന്ന കെട്ടിടത്തിന്റെ മുകളിൽ നിന്ന് താഴേക്ക് ചാടി മരിക്കുകയുമായിരുന്നുവെന്നാണ് വിവരം. ഇന്ന് ഉച്ചക്ക് 12 മണിയോടെ യുവതി കെട്ടിടത്തിന് മുകളിൽ നിന്ന് ചാടിയ വിവരം അറിഞ്ഞ് എമർജൻസി ടീം സംഭവസ്ഥലത്തെത്തുകയും, യുവതിയുടെ മൃതദേഹം കണ്ടെത്തുകയും ചെയ്തു. . തുടർന്ന് ഇവർ താമസക്കുന്ന അപ്പാർട്ട്മെന്റ് പരിശോധിച്ചതോടെയാണ് രണ്ട് കുട്ടികളെ കഴിത്ത് ഞെരിച്ച് കൊലപ്പെടുത്തിയ നിലയിൽ കണ്ടെത്തിയത്

കുവൈത്ത് പബ്ലിക് പ്രോസിക്യൂഷനിൽ കൊലാപതകങ്ങളും ആത്മഹത്യയും സംബന്ധിച്ച വിവരം ലഭിച്ചിട്ടുണ്ട്. ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെന്റ് ഉദ്യോഗസ്ഥരും ക്രിമിനൽ എവിഡൻസ് ഡിപ്പാർട്ട്മെന്റ് ഉദ്യോഗസ്ഥരും സംഭവ സ്ഥലത്തെത്തി തെളിവ് ശേഖരിച്ചു. കുട്ടികളെ കൊന്ന ശേഷം യുവതി ആത്മഹത്യ ചെയ്യുകയായിരുന്നെന്ന് സുരക്ഷാ ഉദ്യോഗസ്ഥർ വ്യക്തമാക്കി. തമിഴ്നാട് സ്വദേശിനിയായ യുവതിയും മക്കളുമാണ് മരിച്ചത്. ഇവരുടെ പേര് വിവരങ്ങളും മറ്റു വിശദാംശങ്ങളും ലഭ്യമായിട്ടില്ല. അതേ സമയം സംഭവത്തെ കുറിച്ച് കുവൈത്ത് ആഭ്യന്തര മന്ത്രാലയം ഊർജ്ജിതമായി അന്വേഷണം നടത്തി വരികയാണ്. സംഭവത്തിൽ ഔദ്യോഗിക വിശദീകരണം പുറത്തുവന്നിട്ടില്ല.