റിയാദില് മാലിന്യ സംഭരണിയില് വീണ് പ്രവാസി യുവാവിന് ദാരുണാന്ത്യം.... ഏഴ് വര്ഷം മുമ്പാണ് റാം മിലന് അവസാനമായി നാട്ടില് പോയി വന്നത്
08 MARCH 2023 07:11 AM IST
മലയാളി വാര്ത്ത
സൗദി അറേബ്യയിലെ റിയാദില് മാലിന്യ സംഭരണിയില് വീണ് പ്രവാസി യുവാവിന് ദാരുണാന്ത്യം. ഉത്തര്പ്രദേശ് കൗശംബി സ്വദേശി റാം മിലന് റോഷന് ലാല് (38) ആണ് ജുബൈലില് മരിച്ചത്.
ജുബൈല് മാളിന്റെ പരിസരത്തുള്ള മലിനജല പ്ലാന്റില് ഇന്നലെ രാവിലെ പത്ത് മണിയോടെയായിരുന്നു അപകടം നടന്നത്. അറ്റകുറ്റപ്പണികള് നടത്താനായി മാന്ഹോളില് ഇറങ്ങിയ മിലന് കാല് വഴുതി അകത്തേക്ക് വീഴുകയായിരുന്നു.
ഉടന് തന്നെ സഹപ്രവര്ത്തകര് വിവരമറിയിച്ചതനുസരിച്ച് പൊലീസും അഗ്നിരക്ഷാ സേനയും കമ്പനി അധികൃതരും സ്ഥലത്തെത്തി. ടാങ്കിലെ വെള്ളം വറ്റിച്ച ശേഷമാണ് മൃതദേഹം പുറത്തെടുക്കാനായി സാധിച്ചത്. റാം മിലന് അവസാനമായി നാട്ടില് പോയി വന്നത് ഏഴ് വര്ഷം മുമ്പാണ്. മൃതദേഹം ഇപ്പോള് ജുബൈല് റോയല് കമ്മീഷന് ആശുപത്രി മോര്ച്ചറിയില് .
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
