ഈ പ്രവാസി എന്നും മാതൃക... മസ്തിഷ്ക മരണം സ്ഥിരീകരിച്ച മലയാളിയുടെ അവയവങ്ങള് ദാനം ചെയ്തു
രക്തസമ്മര്ദ്ദം മൂലം ദമ്മാമിലെ മുവാസത്ത് ആശുപത്രിയില് ചികില്സയിലിരിക്കേ മസ്തിഷ്ക മരണം സ്ഥിരീകരിച്ച മലയാളിയുടെ അവയവങ്ങള് ദാനം ചെയ്തു. കഴിഞ്ഞ മൂന്ന് വര്ഷമായി ദമ്മാമില് പ്രവാസ ജീവിതം നയിക്കുന്ന കണ്ണൂര് താലിപ്പറബ് നടുവിക സ്വദേശി നാരായണന് പയ്യന് (50) ആണ് തന്റെ കിഡ്നിയും ലിവറും ദാനം ചെയ്തത്.
നവംബര് അവസാന വാരം രക്ത സമ്മര്ദ്ദത്തെ തുടര്ന്ന് തളര്ന്നു വീണ നാരായണനെ ദമ്മാം മുവസാത്ത് ആശുപത്രിയില് പ്രവേശിപ്പിച്ചു എങ്കിലും മസ്തിഷ്ക ആഘാതത്തെ തുടര്ന്ന് ഐസിയുവില് പ്രവേശിപ്പിക്കുകയായിരുന്നു. ഈ സന്ദര്ഭത്തില് നാരായണന്റെ കുടുംബവുമായി നവോദയ സാംസ്കാരിക വേദി കേന്ദ്ര എക്സിക്യൂട്ടീവ് അംഗം രവി പാട്യം, ഖത്തീഫ് ഏരിയ വെല്ഫയര് കണ്വീനര് രാജന്, സുരേന്ദ്രന്, ബാബു എന്നിവര് ബന്ധപ്പെട്ടതിനെ തുടര്ന്നാണ് കിഡ്നിയും ലിവറും ദാനം ചെയ്യാന് ഇദ്ദേഹം തയ്യാറായത്.
സൗദി ആരോഗ്യ മന്ത്രാലയത്തിലെ മലയാളി ഉദ്യോഗസ്ഥന് ഷാജിയുടെ നേതൃത്വത്തില് ആണ് നടപടിക്രമങ്ങള് പൂര്ത്തികരിച്ചത്. മരണമടഞ്ഞ നാരായണന് ഭാര്യ അനിത, എട്ടാം ക്ലാസില് പഠിക്കുന്ന അക്ഷയ, മൂന്നാം ക്ലാസില് പഠിക്കുന്ന ആശലയ എന്നീ മക്കളുമുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha