കണ്മുമ്പില് അഗ്നിവിഴുങ്ങിയ ദുബായിലെ ഹോട്ടല്; മലാളികളുള്പ്പെടെ എല്ലാവരും സുരക്ഷിതര്; പുതുവര്ഷാഘോഷത്തിന് തീപിടിച്ചപ്പോള്
അഗ്നി വിഴുങ്ങിയ ദുബായിലെ വലിയ സമ്പന്ന ഹോട്ടലില് നിന്നും നൂറുകണക്കിനാളുകള് രക്ഷപ്പെട്ടത് അവിശ്വസനീയമായി. കഴിഞ്ഞ ദിവസം വരെ ദുബായിലെ ഏറ്റവും സമ്പന്ന ചിഹ്നങ്ങളിലൊന്നായിരുന്നു അഡ്രസ് ഡൗണ്ടൗണ് എന്ന പഞ്ചനക്ഷത്ര ഹോട്ടല്. എന്നാല്, പുതുവര്ഷാഘോഷത്തിനിടെ തീപിടിച്ച ഹോട്ടല് ഇപ്പോള് കത്തിക്കരിഞ്ഞ് പ്രേതാലയം പോലെയായി.
ഡിസംബര് 31 രാത്രി ഒമ്പതരയോടെയാണ് ഹോട്ടലിന് തീപിടിച്ചത്. പുതുവര്ഷാഘോഷത്തിന് ഒരുക്കിയിരുന്ന കരിമരുന്ന് ശേഖരത്തിന് 500 വാര മാത്രം അകലെയാണ് അഡ്രസ് ഡൗണ്ടൗണ്. അഗ്നിശമന സേനയുടെ കഠിനാധ്വാനത്തില് തീയണയ്ക്കാനായെങ്കിലും ഹോട്ടല് പൂര്ണമായും അഗ്നിക്കിരയായി. 60ഓളം ആളുകള്ക്ക് തീപ്പിടിത്തത്തില് പൊള്ളലേറ്റു. പുക ശ്വസിച്ച് ഒരാള്ക്ക് ഹൃദയാഘാതമുണ്ടാവുകയും ചെയ്തു.
കത്തിക്കൊണ്ടിരുന്ന ഹോട്ടലില്നിന്ന് അതിസാഹസികമായാണ് ആളുകള് രക്ഷപ്പെട്ടത്. തിക്കും തിരക്കുമുണ്ടായെങ്കിലും ജനാല വഴി പുറത്തിറങ്ങിയും എമര്ജന്സി എക്സിറ്റ് ഉപയോഗിച്ചും ആളുകള് ഉടന്തന്നെ പുറത്തേയ്ക്കിറങ്ങി. 63 നിലകളുള്ള ഹോട്ടലില്നിന്ന് പെട്ടെന്നുതന്നെ ആളുകളെ ഒഴിപ്പിക്കാനായതുകൊണ്ടാണ് മരണം സംഭവിക്കാതിരുന്നത്.
അഗ്നിശമന സേന പെട്ടെന്നുതന്നെ തീയണച്ചെങ്കിലും വെള്ളിയാഴ്ചയും ഹോട്ടല് കെട്ടിടം നിന്ന് പുകഞ്ഞുകൊണ്ടിരുന്നു. ഇടയ്ക്കിടെ ചെറിയ തീ പ്രത്യക്ഷപ്പെടുകയും ചെയ്തു. 200 മുറികളും 600 അപ്പാര്ട്ട്മെന്റുകളുമുള്ള ഹോട്ടല് സമുച്ചയമാണിത്. തൊട്ടടുത്തുള്ള ബുര്ജ് ഖലീഫയില് ഒരുക്കിയിരിക്കുന്ന കരിമരുന്ന് പ്രയോഗം കാണാന് അതിഥികള് കാത്തിരിക്കവെയാണ് അഡ്രസ് ഡൗണ്ടൗണ് കത്തിയമര്ന്നത്.
പെട്ടെന്നാണ് ലോബിയില്നിന്ന് മുകള് നിലകളിലേക്ക് തീപിടിച്ച് കയറിയത്. 63 നിലകളുള്ള ഹോട്ടലിന്റെ 40 നിലകളില് തീയെത്തി. ഇതിനിടെ ആളുകളെ രക്ഷപ്പെടുത്തുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
