ശ്വാസതടത്തെ തുടര്‍ന്ന് രണ്ടാഴ്ചയോളമായി മക്കയിലെ ആശുപത്രിയില്‍ ചികിത്സയിലായിരുന്ന മലയാളി ഹജ്ജ് തീര്‍ഥാടകന്‍ മരിച്ചു. മെയ് 15ന് സ്വകാര്യ ഹജ്ജ് ഗ്രൂപ്പില്‍ മക്കയിലെത്തിയ പാലക്കാട് ചെര്‍പ്പുളശേരി സ്വദേശി അബ്ബാസ് പല്ലത്ത് (67) ആണ് മരിച്ചത്.

ഭാര്യ ആമിന പല്ലത്ത്, ഭാര്യ സഹോദരന്‍ എന്നിവരോടൊപ്പമാണ് ഹജ്ജിന് എത്തിയത്. ഉംറ നിര്‍വഹിച്ചു വിശ്രമിക്കുന്നതിനിടെ ശ്വാസത്തടസത്തെ തുടര്‍ന്ന് രണ്ടാഴ്ചയോളമായി മക്ക മെഡിക്കല്‍ സെന്റര്‍ ആശുപത്രിയില്‍ ചികിത്സയിലായിരുന്നു.

അസുഖം മൂര്‍ച്ഛിച്ചതിനെ തുടര്‍ന്ന് ഇന്നലെ പുലര്‍ച്ചെ മരിച്ചു. നിയമനടപടികള്‍ പൂര്‍ത്തീകരിച്ച് മക്കയില്‍ ഖബറടക്കം നടത്തുമെന്ന് ബന്ധുക്കള്‍.