ഒമാനിലെ സൊഹാര് സഹമില് നടന്ന വാഹന അപകടത്തില് ആലപ്പുഴ മാന്നാര് സ്വദേശിനിക്ക് ദാരുണാന്ത്യം
മാനിലെ സൊഹാര് സഹമില് നടന്ന വാഹന അപകടത്തില് ആലപ്പുഴ മാന്നാര് സ്വദേശിനിക്ക് ദാരുണാന്ത്യം. മാന്നാര് കുളഞ്ഞിക്കാരാഴ്മ ചെറുമനകാട്ടില് സൂരജ് ഭവനത്തില് സുനിതാ റാണി (44) ആണ് മരിച്ചത്.
കൂടെയുണ്ടായിരുന്ന ആഷ്ലി മറിയം ബാബു (34) പരിക്കുകളോടെ ആശുപത്രിയില് പ്രവേശിപ്പിച്ചു. ആഷ്ലിയുടെ പരിക്ക് ഗുരുതരമല്ല. സഹം സോഹാര് റോഡിലായിരുന്നു അപകടം. ഇരുവരും റോഡ് മുറിച്ചു കടക്കവേയാണ് വാഹനമിടിച്ചത്. സഹമില് സ്വകാര്യ ആയുര്വേദ ഹോസ്പിറ്റലില് തെറാപ്പിസ്റ്റായി ജോലി നോക്കുകയായിരുന്നു രണ്ടുപേരും.
മരണപ്പെട്ട സുനിത റാണി മൂന്ന് മാസം മുന്പാണ് നാട്ടില് നിന്ന് മടങ്ങിയെത്തിയത്. കടമ്പൂര് കുടുംബരോഗ്യ കേന്ദ്രം ജീവനക്കാരനും കേരള എന്ജിഒ യൂണിയന് ആലപ്പുഴ ജില്ല കൗണ്സില് അംഗവുമായ എന് സി സുഭാഷ് ആണ് ഭര്ത്താവ്. മകന്: സൂരജ്. അച്ഛന്: ഗോപാലന് ആചാരി. നടപടി ക്രമങ്ങള് പൂര്ത്തിയാക്കി മൃതദേഹം നാട്ടിലേക്ക് കൊണ്ട് പോകും.
https://www.facebook.com/Malayalivartha
