സൗദിയിൽ ഹൃദയാഘാതം മൂലം പ്രവാസി മലയാളി മരിച്ചു. കാസർകോട്, നിലേശ്വരം സ്വദേശി മുജീബ് (51) ആണ് ഹായിലിൽ മരിച്ചത്.    ഭക്ഷണം കഴിക്കാനായി രാവിലെ താമസ സ്ഥലത്തിനടുത്തുളള ഹോട്ടലിലേക്ക് പോകവേ ദേഹാസ്വാസ്ഥ്യം അനുഭവപ്പെട്ട് കുഴഞ്ഞ് വീഴുകയായിരുന്നു. ഉടൻ തന്നെ ഹായിലിലെ കിങ് ഖാലിദ് ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.

വർഷങ്ങളായി അക്ബർ ട്രാവൽസ് ഹായിൽ ബ്രാഞ്ചിൽ ജീവനക്കാരനായി ജോലിചെയ്തുവരികയായിരുന്നു. ഭാര്യ: സജ്ന, മക്കൾ: ഹിഷാം, ഫാത്തിമ എന്നിവരാണ്. മൃതദേഹം നാട്ടിലെത്തിക്കുന്നതിന് ആവശ്യമായ നടപടിക്രമങ്ങൾ പൂർത്തിയാക്കാൻ സാമൂഹിക പ്രവർത്തകൻ ചാൻസ അബ്ദുറഹ്മാനും കമ്പനി പ്രതിനിധികളും സുഹൃത്തുക്കളും രം​ഗത്തുണ്ട്.