ഭര്‍ത്താവിന്റെ ഫോണ്‍ പരിശോധിക്കുന്നത് അത്ര വലിയ തെറ്റാണോ. ഭര്‍ത്താവിന്റെ ഫോണ്‍ പരിശോധിച്ചതിന് ഒരു ഭാര്യയ്ക്ക് കിട്ടിയ ശിക്ഷ കേട്ടാല്‍ പലരും ഒന്ന് ഞെട്ടും.അനുമതിയില്ലാതെ ഭര്‍ത്താവിന്റെ ഫോണ്‍ പരിശോധിച്ച ഭാര്യയ്‌ക്കെതിരെ നാടുകടത്തല്‍ നടപടി. 

2012 ലെ മൂന്നാം ഫെഡറല്‍ ഡിക്രീ നിയമപ്രകാരം മറ്റൊരാളുടെ ഫോണ്‍ എടുക്കുന്നത് ആറ് മാസമെങ്കിലും ശിക്ഷ ലഭിക്കാവുന്ന കുറ്റമാണെന്ന ഉടമ്പടി പ്രകാരമാണ് നടപടി. യുവതി കുറ്റം സമ്മതിച്ചതായും ശിക്ഷ വിധിച്ചതായുമാണ് യുഎഇ മാധ്യമങ്ങള്‍ റിപ്പോര്‍ട്ട് ചെയ്തിരിക്കുന്നത്.

അതേസമയം, യുവതിയെ ഇതിനോടകം നാടുകടത്തിയോ എന്നതു സംബന്ധിച്ച വിവരം ലഭിച്ചിട്ടില്ല.ഭര്‍ത്താവിനൊപ്പം യുഎഇയില്‍ താമസിച്ചുവരികയായിരുന്ന അറബ്‌വംശജയായ യുവതിയ്ക്കാണ് ഇത്തരമൊരു നടപടി നേരിടേണ്ടി വന്നത്. ഭാര്യ തന്റെ മൊബൈല്‍ ഫോണ്‍ പരിശോധിച്ചതായും തനിക്ക് ലഭിച്ച ടെക്സ്റ്റ് മെസേജുകള്‍ വായിച്ചുവെന്നും ചൂണ്ടിക്കാട്ടി ഭര്‍ത്താവ് പരാതിപ്പെട്ടതിനെ തുടര്‍ന്നാണ് നടപടി. ഇതേതുടര്‍ന്ന് പിഴയിനത്തില്‍ 28,000 പൗണ്ടും യുവതിയില്‍ നിന്നും ഈടാക്കിയിട്ടുണ്ട്. ഇതിന് പുറമേയാണ് നാടുകടത്തല്‍ നടപടി. സൈബര്‍ കുറ്റകൃത്യങ്ങളുടെ പരിധിയില്‍ പെട്ട കേസിന്റെ അടിസ്ഥാനത്തിലാണ് ശിക്ഷ വിധിച്ചിട്ടുള്ളത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha