കോഴിക്കോട്, വയനാട്, കണ്ണൂര്, കാസര്കോട് ജില്ലകളില് അടുത്ത ഏഴുദിവസം വൈദ്യുതി മുടങ്ങിയേക്കും
സംസ്ഥാനത്തെ നാല് ജില്ലകളില് ഭാഗികമായി അടുത്ത ഏഴുദിവസം വൈദ്യുതി തടസപ്പെടാന് സാധ്യതയെന്ന് കെഎസ്ഇബി. കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് വൈദ്യുതി തടസപ്പെടാന് സാധ്യത. പവര്ഗ്രിഡ് കോര്പ്പറേഷന്റെ കോഴിക്കോട് 400 കെ.വി. സബ്സ്റ്റേഷനിലെ ട്രാന്സ്ഫോര്മറിന്റെ തകരാര് പരിഹരിക്കാന് എഴ് ദിവസത്തോളം വേണ്ടിവരുമെന്നാണ് അവര് അറിയിച്ചിരിക്കുന്നത്. ഈ സാഹചര്യത്തില് ഇന്നു (ചൊവ്വാ) മുതല് ഏഴ് ദിവസക്കാലയളവില് കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഭാഗികമായി വൈദ്യുതി നിയന്ത്രണത്തിനു സാധ്യതയുള്ളതായി കെഎസ്ഇബി അറിയിച്ചു.
പവര്ഗ്രിഡ് കോര്പറേഷന് ഓഫ് ഇന്ത്യാ ലിമിറ്റഡ് അഥവാ പവര്ഗ്രിഡ് എന്നത് കേന്ദ്ര സര്ക്കാരിന്റെ ഉടമസ്ഥതയിലുള്ള വൈദ്യുതി ട്രാന്സ്മിഷന് സ്ഥാപനമാണ്. രാജ്യത്തിന്റെ വിവിധ ഭാഗങ്ങളില് ഉല്പാദിപ്പിക്കുന്ന വൈദ്യുതി, ഉയര്ന്ന വോള്ട്ടേജിലുള്ള ട്രാന്സ്മിഷന് ലൈനുകള് വഴി സംസ്ഥാനങ്ങളിലേക്കും വലിയ സബ്സ്റ്റേഷനുകളിലേക്കും എത്തിക്കുന്നതാണു പ്രധാന ചുമതല.
കെഎസ്ഇബി പോലുള്ള സ്ഥാപനങ്ങള് ഈ വൈദ്യുതി വീടുകളിലേക്കും കടകളിലേക്കും വിതരണം ചെയ്യുന്നു. ഉദാഹരണത്തിന്, ഒരു സംസ്ഥാനത്ത് ഉല്പാദിപ്പിക്കുന്ന വൈദ്യുതി മറ്റൊരു സംസ്ഥാനത്തേക്കു കൊണ്ടുപോകുന്നത് പവര്ഗ്രിഡിന്റെ ട്രാന്സ്മിഷന് ശൃംഖലയിലൂടെയാണ്. 400 കെവി, 765 കെവി പോലുള്ള ഉയര്ന്ന ശേഷിയുള്ള സബ്സ്റ്റേഷനുകളും ടവറുകളും പവര്ഗ്രിഡിന്റെ ഭാഗമാണ്.
https://www.facebook.com/Malayalivartha
