യുകെയിൽ പ്രഭാത നടത്തത്തിനിടെ പ്രവാസി മലയാളി കുഴഞ്ഞുവീണ് മരിച്ചു. ലണ്ടനിലെ ഹാറോവിൽ താമസിക്കുകയായിരുന്ന ജോർജി ആംബ്രയിൽ മാത്യു (47) ആണ് മരിച്ചത്.

ലണ്ടനിൽ ചാർട്ടേഡ് അക്കൗണ്ടന്റ് ആയിരുന്നു. കുഴഞ്ഞുവീണ ജോർജിയെ ഉടൻതന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല യുകെയിലെ മലയാളി സാംസ്‌കാരിക സമൂഹങ്ങളിൽ സജീവ സാന്നിദ്ധ്യമായിരുന്നു അദ്ദേഹം. ആലപ്പുഴ തലവടി സ്വദേശിയാണ് ഭാര്യ റെഞ്ചു. ഒരു മകളുണ്ട്.