ഇന്ത്യന്‍ പ്രധാനമന്ത്രി നരേന്ദ്രമോദി ജൂണ്‍ നാല്, അഞ്ച് തീയതികളില്‍ ഖത്തര്‍ സന്ദര്‍ശിക്കും. അമീര്‍ ഷെയ്ഖ് തമീം ബിന്‍ ഹമദ് അല്‍ താനിയുടെ ക്ഷണം സ്വീകരിച്ചാണ് സന്ദര്‍ശനമെന്ന് ഇന്ത്യന്‍ വിദേശകാര്യമന്ത്രാലയം അറിയിച്ചു. 2008ല്‍ അന്നത്തെ പ്രധാനമന്ത്രി ഡോ. മന്‍മോഹന്‍ സിങ്ങിന്റെ സന്ദര്‍ശനത്തിനുശേഷം ഇന്ത്യയില്‍നിന്ന് ഖത്തറിലേക്കുള്ള ആദ്യ ഉന്നതതല സന്ദര്‍ശനമാണിത്.ഖത്തറില്‍ നിന്ന് കൂടുതല്‍ നേരിട്ടുള്ള നിക്ഷേപസാധ്യതകള്‍ ലക്ഷ്യമിട്ടാണ് മോദി ഖത്തറിലേക്ക് തിരിക്കുന്നത്. ഖത്തറിലെ ഇന്ത്യന്‍ വ്യാപാരിസമൂഹവുമായും പ്രത്യേകം ക്ഷണിക്കപ്പെട്ടവരുമായും മോദി കൂടിക്കാഴ്ച നടത്തിയേക്കും. എന്നാല്‍,റംസാന്‍ നോമ്പുകാലത്തിന് തൊട്ടുമുമ്പായതിനാല്‍ പൊതുപരിപാടിക്ക് സാധ്യതയില്ലെന്നാണ് സൂചന. 2015 മാര്‍ച്ചില്‍ അമീര്‍ ഷെയ്ഖ് തമീം ബിന്‍ ഹമദ് അല്‍ താനി ഇന്ത്യ സന്ദര്‍ശിച്ചിരുന്നു. ഈ സമയത്ത് അമീര്‍ മോദിയെ ഖത്തറിലേക്ക് ക്ഷണിച്ചിരുന്നെങ്കിലും ഇരുനേതാക്കളുടെയും സൗകര്യം കണക്കിലെടുത്താണ് സന്ദര്‍ശനം നീണ്ടുപോയത്. 6.3 ലക്ഷം ഇന്ത്യക്കാര്‍ ഖത്തറിലുണെ്ടന്നാണ് ഔദ്യോഗിക കണക്ക്. പ്രധാനമന്ത്രിയെ സ്വീകരിക്കുന്നതിന് ഇന്ത്യന്‍ എംബസിയുടെ നേതൃത്വത്തിലുള്ള ഒരുക്കം മാസങ്ങള്‍ക്കു മുമ്പേതന്നെ തുടങ്ങിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha