ഒരില ചോറുകൊണ്ട് ഒരു തുള്ളി കണ്ണീര്‍ തുടയ്ക്കാം'; ബ്രാംപ്ടണില്‍ വ്യത്യസ്തമായ ഓണാഘോഷം
നോര്‍ത്ത് അമേരിക്കന്‍ മലയാളി സംഘടനകള്‍ക്കിടയില്‍ ജീവകാരുണ്യ പ്രവര്‍ത്തനങ്ങളുടെ പാത വെട്ടിത്തുറന്ന് വിപ്ലവകരമായ മാറ്റങ്ങള്‍ നടത്തി മുന്നേറിക്കൊണ്ടിരിക്കുന്ന ബ്രംപ്ടന്‍ മലയാളി സമാജം, ലോക പ്രവാസി മലയാളി സംഘടനകള്‍ക്ക് തന്നെ മാതൃകാപരമായ വേറിട്ട ഒരു ഓണാഘോഷം സംഘടിപ്പിച്ചു വീണ്ടും ശ്രദ്ധേയമാകുന്നു . 'ഒരില ചോറുകൊണ്ട് ഒരു തുള്ളി കണ്ണീര്‍ തുടയ്ക്കാം' എന്ന ആഹ്വനവുമായാണ് സമാജം ഈ വര്‍ഷം ഓണം ആഘോഷിക്കുന്നത്. നമ്മുടെ സന്തോഷത്തിലും ആഘോഷത്തിലും നിരാലംബരായ ഒരാളെയെങ്കിലും സഹായിക്കാന്‍ സാധിക്കണം എന്നുള്ള ലക്ഷ്യവുമായി, സമാജം ഈ വര്‍ഷത്തെ ഓണാഘോഷത്തില്‍ നിന്നുള്ള വരുമാനം പൂര്‍ണമായും നിര്‍ദ്ധനരായ രോഗികളുടെ സഹായത്തിനായി മാറ്റിവച്ചിരിക്കുന്നു. നോര്‍ത്ത് അമേരിക്കയിലെങ്ങും സ്‌കൂളുകളിലും ഹാളുകളിലും നടത്തിവരുന്ന പതിവ് ഓണാഘോഷങ്ങള്‍ക്ക് പകരം അതിമനോഹരമായ ഒരു ബാങ്ക്വറ്റ് ഹാളിലാണ് ഇക്കൊല്ലം സമാജം ഓണഘോഷവും ഒപ്പം അനേകര്‍ക്ക് സഹായമായി ഇതിനോടകം മാറികഴിഞ്ഞ 'ബി എം എസ് ഹെല്‍പിംഗ് ഹാന്‍ഡ്‌സ് ' വാര്‍ഷികവും സംയുക്തമായി നടത്തുന്നതെന്ന് സമാജം പ്രസിഡന്റ് കുര്യന്‍ പ്രക്കാനം പറഞ്ഞു.
ഒക്ടോബര്‍ ഒന്നിനാണ് തികച്ചും പുതുമയാര്‍ന്ന ആശയവുമായി ഈ വര്‍ണശബളമായ ഓണാഘോഷവും മാവേലിക്ക് മടക്കവും കാനഡയിലെ മലയാളി 'തലസ്ഥാനമായ' ബ്രംപ്ടനില്‍ നടക്കുന്നത് . ഈ മെഗാ ഓണാഘോഷം നടക്കുന്നതെന്ന് ഉണ്ണി ഒപ്പത്ത് അറിയിച്ചു. ഈ ആഘോഷങ്ങളില്‍ നിന്ന് ലഭിക്കുന്ന തുക അര്‍ഹാരയവരെ കണ്ടെത്തി അവര്‍ക്ക് സഹായമായി സമാജം എത്തിക്കുമെന്ന് സമാജം ട്രഷറര്‍ ജോജി ജോര്‍ജ് അറിയിച്ചു. കാനഡയിലെ പ്രമുഖ വ്യവസായി ആയ മനോജ് കരാത്ത ആണ് 'ഒരില ചോറുകൊണ്ട് ഒരു തുള്ളി കണ്ണീര്‍ തുടയ്ക്കാം' എന്ന ആശയവുമായി നടത്തുന്ന ഓണഘോഷങ്ങള്‍ക്കുള്ള ഓണസദ്യ സ്‌പോണ്‍സര്‍ ചെയ്തിരിക്കുന്നത്. ദൂരത്തുള്ളവര്‍ക്കും ചാരത്തുള്ളവര്‍ക്കും ഈ ഓണാഘോഷങ്ങളില്‍ പങ്കു ചേരാന്‍ സമാജം അവസരം ഒരുക്കിയിരിക്കുന്നു എന്നുള്ളതാണ് വേറൊരു പ്രത്യേകത. ഒക്ടോബര്‍ ഒന്നിന് ഓണാഘോഷ പരിപാടികളില്‍ പങ്കെടുക്കാന്‍ ആഗ്രഹിക്കുന്നവര്‍ക്ക് ടിക്കറ്റുകള്‍ക്കായി താഴെ പറയുന്നവരെ ബന്ധപ്പെടവുന്നതാണ്. അതേസമയം ഈ ആഘോഷങ്ങളില്‍ പങ്കെടുക്കാന്‍ ഏതെങ്കിലും കാരണവശാല്‍ പറ്റാത്തവര്‍ക്കും ഈ നന്മയില്‍ ഒരു 'ഓണസദ്യ കൂപ്പണ്‍' വാങ്ങി പങ്കുചേരവുന്നതാണെന്ന് സമാജം ഭാരവാഹികള്‍ അറിയിച്ചു.
https://www.facebook.com/Malayalivartha
