കിഴക്കൻ കാനഡയിലെ പള്ളിമുറ്റത്തുള്ള ഉണ്ണിയേശുവിന്റെ പ്രതിമ ജനശ്രദ്ധ ആകർഷിക്കുന്നു.
വെണ്ണക്കല്ലിൽ ഉണ്ടായിരുന്ന പ്രതിമയുടെ ശിരസ്സ് കഴിഞ്ഞ വർഷം തകർന്നു പോയിരുന്നു. ഇപ്പോൾ ഒരു ലോക്കൽ ആർട്ടിസ്റ്റാണ് ഉണ്ണിയേശുവിനു പുതിയ തല വെച്ച് കൊടുത്തത്. പക്ഷെ പണി തീർന്നപ്പോൾ എല്ലാവരും ഞെട്ടി. വെണ്ണക്കൽ ഉടലുള്ള ഉണ്ണിയേശുവിന്റെ ശരീരത്തിൽ ഓറഞ്ചു ക്ലേ ഉപയോഗിച്ചണ് ആർട്ടിസ്റ് തല വെച്ചത്.
കഴിഞ്ഞ വർഷം പ്രതിമയുടെ ശിരസ്സു തകർന്നതിനു ശേഷം പ്രതിമയുടെ നവീകരണത്തിനായി പലരെയും പള്ളി സമീപിച്ചിരുന്നു. അങ്ങിനെയാണ് ആർട്ടിസ്റ് ഹെതർ വിസ്‌ താൽക്കാലിക സംവിധാനമെന്ന നിലയിൽ ശിരസ്സ് മാറ്റിത്തരാമെന്നു സമ്മതിച്ചതത്രെ. കല്ലിൽ തീർത്ത ഉണ്ണി യേശുവിന്റെ ശിരസ്സ് അടുത്ത വർഷം പണിറ്ററുമെന്നു ഹെതർ ഈ മാസമാദ്യം പറഞ്ഞിരുന്നു.
ഉണ്ണിയേശുവിന്റെ കളർ മാറ്റത്തിൽ പലർക്കും നിരാശ ഉണ്ടെങ്കിലും ചുർച്ചിലെ ഫാദർ സന്തോഷവാനാണ്. മൊത്തമായി പ്രതിമ മാറ്റുന്നതിന് ഏകദേശം 10000 കനേഡിയൻ ഡോളർ ചെലവ് വരുമായിരുന്നു. ഒരു തുടക്കമെന്ന നിലയിൽ ഇത് നല്ലതാണ്,മുഴുവൻ ആകുമ്പോൾ എല്ലാവർക്കും ഇഷ്ടപ്പെടും " അദ്ദേഹം പറഞ്ഞു.
പ്രതിമക്ക് കാർട്ടൂൺ കഥാപാത്രവുമായി സാമ്യമുണ്ടെന്ന് പറയുന്നവരും ആർട്ടിസ്റ്റിന്റെആത്മാർത്ഥതയെ സംശയിക്കരുതെന്നു പറയുന്നവരും രണ്ടു പക്ഷം പറയുന്നുണ്ട്.