ട്രാഫിക് നിയമങ്ങള് കര്ശനമാക്കുന്നു
സൗദിയില് ഗതാഗത നിയമങ്ങള് കര്ശനമാക്കാന് ട്രാഫിക് വകുപ്പിന്റെ തീരുമാനം. സിഗ്നല് മുറിച്ചുകടക്കല്, നിശ്ചയിച്ച വേഗതയേക്കാള് 25 കി.മീറ്റര് വേഗത്തില് വാഹനമോടിക്കല്, എതിര് ദിശയില് വാഹനമോടിക്കല്, മയക്കുമരുന്നോ മദ്യമോ ഉപയോഗിക്കല്, മറ്റുവാഹനങ്ങള്ക്ക് ശല്യമാവുന്ന രീതിയില് ഓടിക്കുക, നമ്പര് പ്ളേറ്റില് കൃത്രിമം കാണിക്കുക, റോഡില് വാഹനം കൊണ്ട് അഭ്യാസം കാണിക്കുക, വളവിലും തിരിവിലും മറ്റു വാഹനങ്ങളെ മറികടക്കല്, ഹെഡ്ലൈറ്റോ െ്രെബകോ ഇല്ലാതെ വാഹനമോടിക്കല്, സ്റ്റോപ് ചിഹ്നമുള്ളിടത്ത് പൂര്ണമായി നിര്ത്താതിരിക്കല് എന്നീ നിയമലംഘനങ്ങള്ക്കാണ് ശിക്ഷ ശക്തമാക്കുന്നത്. ഡ്രൈവ് ചെയ്യുമ്പോള് മൊബൈല് ഫോണ് ഉപയോഗിക്കുന്നതുള്പ്പടെയുളള കുറ്റങ്ങള് ആവര്ത്തിച്ചാല് പിഴയോടൊപ്പം 24 മണിക്കൂര് തടവും നല്കുമെന്ന് ഔദ്യോഗിക വക്താവ് കേണല് താരിഖ് അര്റുബൈആന് പറഞ്ഞു. കുറ്റം ആവര്ത്തിക്കുകയാണെങ്കില് പിഴയക്ക് പുറമെ ജയില് ശിക്ഷയും അനുഭവിക്കേണ്ടിവരും. നിയമലംഘനം ശ്രദ്ധയില്പെട്ടാല് െ്രെഡവറുടെ തിരിച്ചറിയല് കാര്ഡ്, ലൈസന്സ് എന്നിവ ഉപയോഗിച്ച് മുമ്പ് പിഴ ചുമത്തിയിട്ടുണ്ടോ എന്ന് പരിശോധിക്കും. ആദ്യ തവണയുള്ള നിയമലംഘനത്തിന് പിഴ മാത്രമായിരിക്കും ശിക്ഷ. കുറ്റം ആവര്ത്തിക്കുന്നവരെ പ്രശ്നപരിഹാര സമിതിയുടെ തീര്പ്പിന് വിടും. ജയില് ശിക്ഷ അനുഭവിക്കുന്നവര് പിഴയില് നിന്ന് ഒഴിവാകില്ലെന്നും വക്താവ് അറിയിച്ചിട്ടുണ്ട്. മുഴുവന് യാത്രക്കാരുടെയും സുരക്ഷ ഉദ്ദേശിച്ച നടപ്പാക്കുന്ന നിയമങ്ങള് വാഹനമോടിക്കുന്നവര് കര്ശനമായി പാലിക്കണമെന്നും വക്താവ് അഭ്യര്ഥിച്ചു.
https://www.facebook.com/Malayalivartha