സൗദിയില് വിദേശി വനിതകള്ക്ക് കൂടുതല് അവസരങ്ങള്
സൗദി തൊഴില് വിപണിയില് വിദേശിവനിതകള്ക്ക് കൂടുതല് അവസരങ്ങളൊരുങ്ങുന്നു. സ്വദേശി വനിതകള്ക്ക് അവസരം നല്കാനുളള പദ്ധതികളില് വിദേശി വനിതകളെ സഹായികളായി പരിഗണിക്കുമെന്ന തീരുമാനമാണ് ഇതിന് വഴിയൊരുക്കുന്നത്. പ്രവാസി കുടുംബിനികള്ക്ക് ഇത് ഏറെ ജോലി സാധ്യത വര്ദ്ധി്പ്പിക്കും. സ്വദേശി വനിതകള്ക്ക് സൗദിയില് കൂടുതല് അവസരം ലഭ്യമാകുമ്പോള് സഹായികളായി വിദേശി വനിതകള്ക്കും അവസരം തുറക്കെപ്പെടുകയാണ്. സ്വദേശിവനിതകളെ തൊഴില് വിപണിയില് നിയമിക്കുന്നതിനായി പാക്കേജ് കൊണ്ടുവരുമ്പോള് അവരെ സഹായിക്കുന്നതിനായി വിദേശിവനിതകളുടെ സേവനം ആവശ്യമായി വരുന്നത് കണക്കിലെടുത്താണ് തൊഴില് വിപണി വിദേശി വനിതകള്ക്ക് തുറന്നു കൊടുക്കാന് തൊഴില് മന്ത്രാലയം പദ്ധതിയിടുന്നത്. ഇത് സംബന്ധിച്ച് പഠിച്ചുവരികയാണെന്നും അന്തിമ തീരുമാനമായില്ലെന്നും തൊഴില് സഹമന്ത്രി ഡോ.മുഫരിജ് അല് ഹഖബാനി അറിയിച്ചു.
ഇതിനിടെ വിദേശ രാജ്യങ്ങളില് നിന്ന് വീട്ടുവേലക്കാരെ റിക്രൂട്ട് ചെയ്യുന്നതിനുള്ള തടസ്സങ്ങള് പരിഹരിക്കുവാനായി റിക്രൂട്ട്മെന്റ് പ്രതിനിധികളെ ഉള്പ്പെടുത്തി പ്രത്യേകസമിതി രൂപീകരിച്ചു. തൊഴില് സഹമന്ത്രിയുടെ റിക്രൂട്ട്മെന്റ് പ്രതിനിധികളുമായി നടന്ന ചര്ച്ചയിലാണ് തീരുമാനമുണ്ടായത്. റിക്രൂട്ട്മെന്റ് ലൈസന്സ് അഞ്ച് വര്ഷമാക്കി ഉയര്ത്തണമെന്നും ഇത് ഓണ്ലൈന് വഴി പുതുക്കാനുള്ള സംവിധാനം വേണമെന്നും പ്രതിനിധികള് ആവശ്യപ്പെട്ടു. തൊഴിലാളികള്ക്ക് തൊഴിലുടമയില് നിന്ന് കൃത്യമായ ശമ്പളം ലഭിച്ചില്ലെങ്കില് സൗദിയിലെ റിക്രൂട്ട്മെന്റ് ഓഫീസ് പൂട്ടുമെന്ന വ്യവസ്ഥ എടുത്തുകളയണമെന്നും പ്രതിനിധികള് മന്ത്രിയോട് ആവശ്യപ്പെട്ടിട്ടുണ്ട്.
https://www.facebook.com/Malayalivartha