ഇന്ത്യന് വീട്ടുജോലിക്കാര്ക്ക് ഒരു ലക്ഷം വിസ ഉടന്
29 JULY 2014 10:31 AM IST
മലയാളി വാര്ത്ത.
ഇന്ത്യന് വീട്ടുജോലിക്കാര്ക്ക് വേണ്ടി ഒരു ലക്ഷം വിസ ഇഷ്യു ചെയ്യുമെന്ന് സൗദി തൊഴില് മന്ത്രാലയം വ്യക്തമാക്കി. ഇന്ത്യന് വീട്ടുജോലിക്കാരെ സൗദിയിലേക്ക് റിക്രൂട്ട് ചെയ്യുന്നതുമായി ബന്ധപ്പെട്ട് ഇരുരാജ്യങ്ങളും തമ്മില് ഒപ്പിട്ട ഉടമ്പടി പ്രകാരമാണ് വിസ ഇഷ്യൂ ചെയ്യുക. വീട്ടുവേലക്കാര്ക്ക് വേണ്ടി സൗദി കുടുംബങ്ങള് ദീര്ഘകാലമായി തുടരുന്ന കാത്തിരിപ്പിന് ഇതോടെ വിരാമമാവുകയാണ്. ഇന്ത്യയില്നിന്ന് വേലക്കാരെ റിക്രൂട്ട്മെന്റ് ചെയ്യുന്നതിന് അംഗീകാരമുള്ള ഓഫിസുകളും കമ്പനികളും നടപടികള് തുടങ്ങുന്നതിന് ഇതു സംബന്ധിച്ച വിശദാംശങ്ങള്ക്കായി കാത്തിരിക്കുകയാണ്.
1200 റിയാലില് കുറയാത്ത മാസവേതനം, ദിവസം എട്ടു മണിക്കൂര് വിശ്രമം, ആഴ്ചയില് ഒരു ദിവസം അവധിയും വര്ഷത്തില് 15 ദിവസത്തെ ശമ്പളത്തോടെയുള്ള ഒഴിവ് എന്നിവയാണ് കരാര് പ്രകാരം സൗദി അംഗീകരിച്ചിട്ടുള്ളതെന്ന് റിക്രൂട്ട്മെന്റിനായുള്ള ദേശീയ സമിതി വ്യക്തമാക്കിയിരുന്നു. വേലക്കാരുടെ തൊഴില് വൈദഗ്ധ്യവും പരിചയസമ്പന്നതയും അടിസ്ഥാനമാക്കിയായിരിക്കും വേതനം നിര്ണയിക്കുകയെന്ന് നേരത്തെ മന്ത്രാലയം വ്യക്തമാക്കിയിരുന്നു. ഇതുസംബന്ധിച്ച കൃത്യമായ വിവരങ്ങള് ലഭ്യമായ ശേഷമായിരിക്കും സൗദി കുടുംബങ്ങളില്നിന്നും വേലക്കാര്ക്ക് വേണ്ടിയുള്ള അപേക്ഷ കമ്പനികള് സ്വീകരിക്കുക. വീട്ടുവേലക്കാരുടെ റിക്രൂട്ട്മെന്റ് സംബന്ധിച്ച് ഇന്ത്യ- സൗദി വിദേശകാര്യ പ്രതിനിധികള് തമ്മിലുണ്ടായ ധാരണപ്രകാരമാണ് വിസ ഇഷ്യുചെയ്യുന്നതിനുള്ള നടപടികള് പുരോഗമിക്കുന്നതെന്ന് സൗദി തൊഴില് മന്ത്രാലയം സഹമന്ത്രി ഡോ. മുഫ്രിജ് അല്ഹഖ്ബാനി വ്യക്തമാക്കി.
റിക്രൂട്ട്മെന്റ് സ്ഥാപനങ്ങള് തൊഴില് കരാറില് വ്യക്തമാക്കിയ വ്യവസ്ഥകള് പാലിക്കാന് ബാധ്യസ്ഥരാണെന്നും അദ്ദേഹം ഓര്മിപ്പിച്ചു. വീട്ടുജോലിക്കാരുടെ തൊഴില് കരാറില് പറഞ്ഞ വ്യവസ്ഥകളുടെ വിശദാംശങ്ങള് മന്ത്രാലയത്തിന്െറ ഔദ്യാഗിക വെബ്സൈറ്റിലും കൂടാതെ വീട്ടുജോലിക്കാരുടെ റിക്രൂട്ട്മെന്റ് സംബന്ധിച്ച വിശദാംശങ്ങള്ക്ക് മാത്രമായി മന്ത്രാലയം രൂപം നല്കിയ മുസാനിദ് സൈറ്റിലും ലഭ്യമാണെന്ന് അദ്ദേഹം പറഞ്ഞു. കരാറിന്െറ കോപ്പികള് റിക്രൂട്ട്മെന്റിനായുള്ള ദേശീയസമിതിക്കും റിക്രൂട്ട്മെന്റ് സ്ഥാപനങ്ങള്ക്കും ലഭ്യമാക്കിയിരുന്നതായും അദ്ദേഹം ചൂണ്ടിക്കാട്ടി.
ഔദ്യാഗിക സ്ഥാപനങ്ങള് വഴിയല്ലാതെ റിക്രൂട്ട്മെന്റ് നടപടികള്ക്ക് അനുമതി നല്കുകയില്ലെന്നും തൊഴിലുടമയുടെയും തൊഴിലാളിയുടെയും അവകാശങ്ങള് സംരക്ഷിക്കുന്നതിനുള്ള വ്യവസ്ഥകള് പാലിക്കുന്നതില് മന്ത്രാലയം പ്രതിജഞാബദ്ധമായിരിക്കുമെന്നും നേരത്തെ തൊഴില് മന്ത്രാലയം സഹമന്ത്രി വ്യക്തമാക്കിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha