ഷാര്ജയില് പാസ്പോര്ട്ടുമായി തൊഴിലുടമ മുങ്ങി, 26 തൊഴിലാളികള് ദുരിതത്തില്
തൊഴിലാളികള്ക്ക് ജോലിയില്ല, ചെയ്ത ജോലിക്ക് ശമ്പളവുമില്ല. പാസ്പോര്ട്ടുകള് കമ്പനി പൂട്ടി സ്ഥലംവിട്ട തൊഴിലുടമയുടെ കൈയിലായതിനാല് നാട്ടിലേക്ക് പോകാനും നിര്വാഹമില്ല. വീടുകളിലെ സ്ഥിതിയും ദയനീയം. ഒരു വര്ഷത്തിലേറെയായി ഈ ദുരിതക്കടലിലാണ് മലയാളികള് ഉള്പ്പെടെ 26 തൊഴിലാളികളുടെ ജീവിതം.
ഒരുനേരത്തെ ഭക്ഷണത്തിന് പോലും വകയില്ലാതെയാണ് ഷാര്ജയില് ഈ തൊഴിലാളികളുടെ ജീവിതം. ഭൂരിപക്ഷം തൊഴിലാളികളും മലയാളികള് . കേരളത്തിലെ എല്ലാ ജില്ലക്കാരും ഇക്കൂട്ടത്തിലുണ്ട്. 2013 ജൂണ് മുതല് ഒരു സാമ്പത്തികാനുകൂല്യങ്ങളും തങ്ങളുടെ കമ്പനിയില്നിന്ന് ലഭിക്കാതെ കഷ്ടപ്പെടുന്ന ഇവര് അധികൃതരുടെ കനിവിനായി കാത്തിരിക്കുകയാണ്. ആലപ്പുഴ ഹരിപ്പാട് സ്വദേശിയുടെ \'ബ്ലൂ ചിപ്പ് ഇന്റീരിയല് ഡക്കറേഷന്\', \'നോര്ത്ത് സ്റ്റാര്\' എന്നിങ്ങനെ രണ്ട് കമ്പനിയിലെ തൊഴിലാളികളാണ് ഭക്ഷണത്തിനുപോലും വകയില്ലാതെ ബുദ്ധിമുട്ടുന്നത്. 26 തൊഴിലാളികളില് 21 പേരുടെ വിസയുടെ കാലാവധിയും കഴിഞ്ഞിരിക്കുകയാണ്. ഇതിനിടയില് ഒരു തമിഴ്നാട് സ്വദേശി ഹൃദയസ്തംഭനം കാരണം മരിച്ചു.
2013 ജൂണ് മുതല് ഡിസംബര് വരെ പണിയെടുത്തിട്ടും ശമ്പളം കിട്ടാതായപ്പോള് മൊത്തം 26 തൊഴിലാളികളില് 23 പേര് പരാതികളുമായി തൊഴില് കോടതിയെ സമീപിച്ചു. ഇതിനിടയില് ഒക്ടോബര് എട്ടിന് കമ്പനിയുടമ തൊഴിലാളികളെ വിളിച്ച് നാലു മാസത്തെ ശമ്പളം ബാങ്കില് നിക്ഷേപിച്ചിട്ടുണ്ടെന്ന് പറഞ്ഞ് കബളിപ്പിച്ചെന്ന് ഇവര് ദുബായിലെ ഇന്ത്യന് കൗണ്സിലര് ജനറലിന് നല്കിയ പരാതിയില് പറയുന്നു. മുഴുവന് തൊഴിലാളികളുടെയും പാസ്പോര്ട്ടുകളുമായി കമ്പനിയുടമ കടന്നുകളഞ്ഞെന്നാണ് പിന്നീട് കിട്ടിയ വിവരം. ഉടമയുടെ നാട്ടിലേക്ക് മൊബൈല് നമ്പറുകളിലേക്ക് വിളിക്കുന്ന ഒരു കോളുകള്ക്കും പിന്നീട് മറുപടിയും ലഭിച്ചില്ല. ഷാര്ജ വ്യവസായ മേഖലയിലുള്ള കമ്പനി ഓഫീസിന്റെ ബോര്ഡ് ഇതിനിടയില് മാറ്റുകയും പിന്നീട് തുറക്കാതെയുമായി.
ഇവര് താമസിക്കുന്ന ക്യാമ്പില് വെള്ളവും വൈദ്യുതിയും വിച്ഛേദിച്ചിട്ടില്ലെന്ന ഏക ആശ്വാസമാണ് അവശേഷിക്കുന്നത്. എങ്ങനെയെങ്കിലും പാസ്പോര്ട്ട് ലഭിച്ച് നാട്ടിലേക്ക് പോയാല് അവിടെ എന്തെങ്കിലും ജോലിചെയ്ത് ജീവിക്കാമായിരുന്നെന്നാണ് ഇവര് പറയുന്നത്. അതിനായി ഷാര്ജ ഇന്ത്യന് അസോസ്സിയേഷന് മുഖേന കോണ്സുലേറ്റിനെ സമീപിച്ചെങ്കിലും ഉടമയെ ബന്ധപ്പെടാന് സാധിക്കാത്ത അവസ്ഥയിലാണ് അധികൃതരും. അതിനിടെ കമ്പനിയുടമ നാട്ടില് നക്ഷത്രഹോട്ടല് പണിത് മുഖ്യമന്ത്രിയെ കൊണ്ട് ഉദ്ഘാടനം ചെയ്യിച്ചതായും തൊഴിലാളികളുടെ പരാതിയില് പറഞ്ഞിട്ടുണ്ട്.
വിവിധ സംഘടനകളും വ്യക്തികളും നല്കുന്ന ഭക്ഷണം കഴിച്ച് തൊഴിലാളികള് ജീവന് നിലനിര്ത്തുമ്പോഴും തങ്ങളുടെ വീട്ടിലെ കാര്യങ്ങള് ഓര്ത്ത് കൂടുതല് വേവലാതിയിലാണ് ഇവര്. കൂട്ടത്തില് പലരുടെയും കിടപ്പാടംപോലും ബാങ്കുകളില് പണയത്തിലാണ്. പ്രശ്നങ്ങളില് ഇടപെട്ട് ഇവരെ നാട്ടിലേക്ക് അയയ്ക്കാന് ശ്രമം തുടരുമെന്ന് ഇന്ത്യന് അസോസ്സിയേഷന് ജനറല് സെക്രട്ടറി അഡ്വ. വൈ.എ. റഹീം പറഞ്ഞു.
https://www.facebook.com/Malayalivartha