ജോലി സ്ഥലത്ത് പ്രവാസി കുഴഞ്ഞ് വീണ് മരിച്ചു, മകളുടെ വിവാഹകഴിഞ്ഞ ബഹ്റനില് മടങ്ങിയെത്തിയശേഷമാണ് മരണം സംഭവിച്ചത്
ജോലി ചെയ്തു കൊണ്ടിരിക്കെ പ്രവാസിക്ക് ദാരുണാന്ത്യം. രക്തസമ്മര്ദം കൂടി ജോലി സ്ഥലത്ത് ബോധരഹിതനായി വീണതിനെത്തുടര്ന്ന് ആശുപത്രിയില് പ്രവേശിപ്പിച്ചിരുന്ന തിരുവനന്തപുരം സ്വദേശിയായ പ്രവാസി നിര്യാതനായി. തിരുവനന്തപുരം പനവൂര് പൂവക്കാട് രാജി വിലാസത്തില് ജയേന്ദ്രകുമാര് (54)ആണ് മരണമടഞ്ഞത്. സല്മാനിയ മെഡിക്കല് കോംപ്ലക്സില് പ്രവേശിപ്പിച്ചിരിക്കുകയായിരുന്നു. തലച്ചോറിലെ ഞരമ്പ് പൊട്ടിയതിനെ തുടര്ന്ന് തലച്ചോറിലെ പ്രവര്ത്തനങ്ങള് ദിവസങ്ങള്ക്ക് മുമ്പെ നിലച്ചിരുന്നു.
കഴിഞ്ഞ ഏഴ് വര്ഷത്തോളമായി ബഹ്റൈനിലുള്ള ഇദ്ദേഹം ഒരുമാസത്തോളം മുമ്പ് നാട്ടില് പോയി മകളുടെ വിവാഹം നടത്തിയശേഷം മടങ്ങി വന്നതായിരുന്നു. ഭാര്യ രാജി. മക്കള് അമൃത, അപര്ണ്ണ, സുമേഷ്, രാജീവ്. മൃതദേഹം നാട്ടില് എത്തിക്കാനുള്ള നടപടി ക്രമങ്ങള് ആരംഭിച്ചതായി ബന്ധുവായ ബൈജു 'ഗള്ഫ് മാധ്യമ'ത്തോട് പറഞ്ഞു. പ്ലംബറായി ജോലി ചെയ്തുവരികയായിരുന്നു ജയേന്ദ്രകുമാര്.
https://www.facebook.com/Malayalivartha