മസ്ക്കറ്റില് തൊഴിലാളികളുമായി പോവുകയായിരുന്ന ബസ് മറിഞ്ഞുണ്ടായ അപകടത്തില് 19 പേര്ക്ക് പരിക്ക്...
മസ്ക്കറ്റില് തൊഴിലാളികളുമായി പോവുകയായിരുന്ന ബസ് മറിഞ്ഞുണ്ടായ അപകടത്തില് 19 പേര്ക്ക് പരിക്ക്. അമിറാത്ത് ഹില്ലില് ബസ് മറിഞ്ഞുണ്ടായ അപകടത്തില് 19 പേര്ക്ക് പരിക്കേറ്റതായി റോയല് ഒമാന് പൊലീസ് അറിയിച്ചു. ചൊവ്വാഴ്ച ഉച്ചക്കു ശേഷമാണ് അപകടമുണ്ടായത്. അപകടത്തില് എട്ടുപേര്ക്ക് ഗുരുതര പരിക്കേറ്റു.
ഒരാള്ക്ക് സാമാന്യം നല്ല പരിക്കും 10 പേര്ക്ക് നിസ്സാര പരിക്കുമാണുള്ളത്. തൊഴിലാളികളുമായി പോവുകയായിരുന്ന ബസ് ആണ് അപകടത്തില് പെട്ടതെന്നാണ് അറിയുന്നത്. ബസിന്റെ മുന്വശം പാടേ തകര്ന്നു. മറിഞ്ഞ ബസിനുള്ളില് കുടുങ്ങിയവരെ സിവില് ഡിഫന്സ് സംഘം ഏറെ പണിപ്പെട്ടാണ് പുറത്തെടുത്തത്. പരിക്കേറ്റവരെ പ്രാഥമിക ചികിത്സ നല്കിയ ശേഷം ആശുപത്രിയിലേക്ക് മാറ്റി.
https://www.facebook.com/Malayalivartha