ബഹ്‌റൈനില്‍ പ്രവാസി മലയാളിക്ക് ദാരുണാന്ത്യം.ഉറക്കത്തിനിടെയാണ് മരണം സംഭവിച്ചത്. തലശേരി ചൊക്ലി സി.പി റോഡില്‍ 'സറ'യില്‍ അബ്ദുല്‍ അസീസ് ആണ് മരിച്ചത്. ബഹ്‌റൈനിലെ അല്‍അയാം അറബ് പത്രത്തിന്റെ പ്രസ് ജീവനക്കാരനായിരുന്നു. മരണ സമയത്ത് കുടുംബവും ഒപ്പമുണ്ടായിരുന്നു. അടുത്തിടെയാണ് ഭാര്യയും മകനും ഉള്‍പ്പെടെയുള്ള കുടുംബാംഗങ്ങള്‍ ഹ്രസ്വസന്ദര്‍ശനത്തിനായി ബഹ്‌റൈനിലേക്ക് എത്തിയത്.

രാത്രി തറാവീഹ് നമസ്‌ക്കാരം കഴിഞ്ഞശേഷം ഉറങ്ങാന്‍ കിടന്നതായിരുന്നു. പുലര്‍ച്ചെ രണ്ടരയോടെ അത്താഴം കഴിക്കാന്‍ വിളിച്ചപ്പോഴാണ് മരണം സ്ഥിരീകരിച്ചത്. മൃതദേഹം സല്‍മാനിയ ആശുപത്രി മോര്‍ച്ചറിയില്‍. മൃതദേഹം നാട്ടിലേക്ക് അയക്കുന്നതിനുള്ള നടപടി ക്രമങ്ങള്‍ പുരോഗമിക്കുന്നു. ഭാര്യ: റുക്‌സാന. മക്കള്‍: റിറോസ്, സയാന്‍.