ഒമാന് ഒഴികെയുള്ള എല്ലാ ഗള്ഫ് രാജ്യങ്ങളും ഇന്ന് ചെറിയ പെരുന്നാള്, പള്ളികളിലും പൊതുഇടങ്ങളിലും പെരുന്നാള് നമസ്കാരം നടക്കും
04 JUNE 2019 07:29 AM IST
മലയാളി വാര്ത്ത
ഒമാന് ഒഴികെയുള്ള എല്ലാ ഗള്ഫ് രാജ്യങ്ങളും ഇന്ന് ചെറിയ പെരുന്നാള് ആഘോഷിക്കും. യുഎഇ, സൗദി അറേബ്യ, ഖത്തര്,ബഹ്റൈന്, കുവൈത്ത് എന്നീ രാജ്യങ്ങളിലാണ് ഇന്ന് പെരുന്നാള്. ഇവിടങ്ങളില് തിങ്കളാഴ്ച വൈകീട്ടോടെ മാസപ്പിറവി ദൃശ്യമായി. രാത്രിയോടെ വിവിധ മതകാര്യ വകുപ്പുകള് ഔദ്യോഗികമായി സ്ഥിരീകരിക്കുകയും ചെയ്തു. കേരളത്തില് ബുധനാഴ്ചയാണ് ചെറിയ പെരുന്നാള്. കേരളത്തില് തിങ്കളാഴ്ച മാസപ്പിറവി ദൃശ്യമാകാതായതോടെ ഇന്ന് റംസാന് 30 പൂര്ത്തിയാക്കുകയും ബുധനാഴ്ച ശവ്വാല് ഒന്നായിരിക്കുമെന്നും വിവിധ ഖാസിമാര് അറിയിച്ചു.
നിര്ബന്ധിത ദാനമായ 'ഫിത്തര് സക്കാത്ത് ' നല്കിയും പുത്തന് വസ്ത്രങ്ങള് വാങ്ങിയുമൊക്കെയാണ് റംസാന്റെ അവസാന ദിനങ്ങള് ഗള്ഫ് രാജ്യങ്ങളിലെ വിശ്വാസികള് ആചരിച്ചത്. പള്ളികളിലും പൊതുഇടങ്ങളിലും ചൊവ്വാഴ്ച പെരുന്നാള് നമസ്കാരം നടക്കും.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
