2019 ല്‍ ഉംറ സീസണ്‍ ആരംഭിച്ച ശേഷം ഇതുവരെ എഴുപത്തിയഞ്ച് ലക്ഷത്തിലധികം ഉംറ വിസകള്‍ വിതരണം ചെയ്‌തെന്ന് വിവരം . ഇന്ത്യയില്‍ നിന്ന് എത്തിയത് ആറു ലക്ഷത്തിലധികം ഉംറ തീര്‍ത്ഥാടകരെന്നും ഹജ്ജ് ഉംറ മന്ത്രാലയത്തിന്റെ റിപ്പോര്‍ട്ട്.

2019 ഇതുവരെ വിവിധ രാജ്യക്കാരായ ഉംറ തീര്‍ത്ഥാടകര്‍ക്കായി ഹജ്ജ് ഉംറ മന്ത്രാലയം വിതരണം ചെയ്തത് 75,84,428 വിസകളാണ്. ഇതില്‍ 72,01,851 തീര്‍ത്ഥാടകര്‍ ഉംറ കര്‍മ്മം നിര്‍വ്വഹിക്കാനായി എത്തി. ഏറ്റവും കൂടുതല്‍ തീര്‍ത്ഥാടകര്‍ എത്തിയത് പാകിസ്ഥാനില്‍നിന്നാണ്. 15,90,731 തീര്‍ത്ഥാടകര്‍ എന്നാണ് കണക്കുകള്‍ . രണ്ടാം സ്ഥാനത്തു ഇന്തോനേഷ്യയാണ്.
എന്നാല്‍ മൂന്നാം സ്ഥാനത്തുള്ള ഇന്ത്യയില്‍ നിന്നെത്തിയത് 643,563 തീര്‍ത്ഥാടകരാണ്. വിഷന്‍ 2030 പരിവര്‍ത്തന പദ്ധതി ലക്ഷ്യമിടുന്നത് 30 ദശലക്ഷം ഉംറ തീര്‍ത്ഥാടകരെയാണ്.