മക്കളുടെ കണ്‍മുന്‍പില്‍ വച്ച് അച്ഛന്‍ മുങ്ങി മരിച്ചു.... തൃശൂര്‍ സ്വദേശി ബഹ്‌റൈനിലെ താമസസ്ഥലത്തെ നീന്തല്‍ക്കുളത്തില്‍ നീന്തുന്നതിനിടെ വെള്ളത്തിലേക്ക് താഴ്ന്നുപോയി
ബഹ്‌റൈനില്‍ മക്കളുടെ കണ്‍മുന്‍പില്‍ വച്ച് അച്ഛന്‍ മുങ്ങി മരിച്ചു. തൃശൂര്‍ ഇരിങ്ങാലക്കുട പടിയൂര്‍ സ്വദേശി രഞ്ജിത്താണ് (42) ബഹ്‌റൈനിലെ ഉമ്മല്‍ ഹസത്ത് താമസസ്ഥലത്തെ നീന്തല്‍ക്കുളത്തില്‍ മുങ്ങി മരിച്ചത്. വെള്ളിയാഴ്ച വൈകിട്ട് മക്കളോടൊപ്പം നീന്തല്‍ക്കുളത്തില്‍ കുളിക്കാനിറങ്ങിയപ്പോഴാണ് അപകടം നടന്നത്.
നീന്തുന്നതിനിടെ രഞ്ജിത്ത് വെള്ളത്തില്‍ താഴ്ന്നു പോയതായി കുട്ടികള്‍ അമ്മയെ അറിയിച്ചു. അവര്‍ ഓടിയെത്തി രക്ഷിക്കാന്‍ ശ്രമിച്ചുവെങ്കിലും കഴിഞ്ഞില്ല.കഴിഞ്ഞ 12 വര്‍ഷമായി ബഹ്‌റൈനില്‍ ഇലക്ട്രോണിക് ഡിസൈനറായി ജോലി ചെയ്യുകയായിരുന്നു. മൃതദേഹം സല്‍മാനിയ ആശുപത്രി മോര്‍ച്ചറിയിലേക്ക് മാറ്റി.
വെള്ളിയാഴ്ച ബഹ്‌റൈന്‍ കേരളീയ സമാജത്തില്‍ സയന്‍സ് ഫോറവും കോപ്റ്റയും സംയുക്തമായി നടത്തിയ ടെക്‌നിക്കല്‍ സെമിനാറില്‍ സജീവമായി പങ്കെടുത്ത രഞ്ജിത്ത് വീട്ടിലേയ്ക്ക് മടങ്ങിയെത്തിയതിനു ശേഷമാണ് ദാരുണമായ അപകടത്തില്‍ പെട്ടത്. ഭാര്യ സിനി. മക്കള്‍ശ്രീഹരി, ഹരിത. സല്‍മാനിയാ ആശുപത്രി മോര്‍ച്ചറിയിലുള്ള മൃതദേഹം നടപടികള്‍ പൂര്‍ത്തിയാക്കിയശേഷം നാട്ടിലയക്കും.
"
https://www.facebook.com/Malayalivartha
