ദുബൈയില് 8 മലയാളികളടക്കം 17 യാത്രക്കാരുടെ ദാരുണമരണത്തിനിടയാക്കിയ ബസ് അപകടത്തില് ശിക്ഷിക്കപ്പെട്ട ഡ്രൈവറുടെ ശിക്ഷ ഒരു വര്ഷമായി കുറച്ചു
ദുബൈയില് എട്ടു മലയാളികളടക്കം 17 യാത്രക്കാരുടെ ദാരുണമരണത്തിനിടയാക്കിയ ബസ് അപകടത്തില് ശിക്ഷിക്കപ്പെട്ട ഒമാന് സ്വദേശിയായ ഡ്രൈവറുടെ ശിക്ഷാകാലാവധി കോടതി ഒരുവര്ഷമായി കുറച്ചു. 55 കാരനായ ബസ് ഡ്രൈവറുടെ തടവാണ് അപ്പീല് നല്കിയതിനെ തുടര്ന്ന് കുറച്ചത്.
എന്നാല് 50 ലക്ഷം ദിര്ഹം പിഴയും 34 ദശലക്ഷം ദിര്ഹം ദിയാദനമായും നല്കണമെന്ന ട്രാഫിക് കോടതി വിധിയില് മാറ്റമില്ല. നഷ്ടപരിഹാര തുക മരിച്ചവരുടെ ആശ്രിതര്ക്കാണ് നല്കേണ്ടത്. അതേസമയം, ശിക്ഷാകാലാവധിക്ക് ശേഷം നാടുകടത്താനുള്ള ഉത്തരവും പിന്വലിച്ചു.
2019 ജൂലൈയിലായിരുന്നു ദുബൈ ട്രാഫിക് കോടതി െ്രെഡവര്ക്ക് ഏഴു വര്ഷം തടവും അരലക്ഷം ദിര്ഹം പിഴയും വിധിച്ചത്. കൂടാതെ, ഇദ്ദേഹത്തിന്റെ ലൈസന്സ് ഒരു വര്ഷത്തേയ്ക്ക് റദ്ദാക്കാനും ഉത്തരവിട്ടിരുന്നു. അപകടത്തിന് കാരണമായത് തന്റെ പിഴവാണെന്ന് െ്രെഡവര് നേരത്തെ സമ്മതിച്ചിരുന്നു. ജിസിസി മാനദണ്ഡങ്ങള് പാലിക്കാതെ റോഡില് സ്ഥാപിച്ച സ്റ്റീല് തൂണാണ് അപകടം വരുത്തിവച്ചതെന്ന് െ്രെഡവറുടെ അഭിഭാഷകന് കോടതിയില് വാദിച്ചു. എന്നാല് കേസില് െ്രെഡവര് കുറ്റക്കാരനാണെന്ന് കണ്ടെത്തിയ കോടതി ശിക്ഷ വിധിക്കുകയായിരുന്നു.
ദുബൈ ഷെയ്ഖ് മുഹമ്മദ് ബിന് സായിദ് റോഡിലെ റാഷിദിയ എക്സിറ്റില് ബസ് ട്രാഫിക് സൈന് ബോര്ഡിലേയ്ക്ക് ഇടിച്ചുകയറുകയായിരുന്നു. എട്ട് മലയാളികളടക്കം 12 ഇന്ത്യക്കാരും രണ്ടു പാകിസ്ഥാനികള്, അയര്ലന്ഡ്, ഒമാന്, ഫിലിപ്പീനി സ്വദേശികള് ഓരോന്നുവീതവുമാണ് മരിച്ചത്. െ്രെഡവര് ഉള്പെടെ 13 പേര്ക്ക് പരിക്കേറ്റു.
പിതാവും മകനും ഉള്പെടെയുള്ള മലയാളികളെ പന്നീട് തിരിച്ചറിഞ്ഞു. ഒമാനില് നിന്ന് ദുബൈയിലേയ്ക്ക് വന്ന ബസാണ് അപകടത്തില്പെട്ടത്. തലശ്ശേരി സ്വദേശികളായ ചോണോകടവത്ത് ഉമ്മര്(65), മകന് നബീല്(25), തിരുവനന്തപുരം സ്വദേശി ദീപകുമാര്(40), തൃശൂര് സ്വദേശികളായ ജമാലുദ്ദീന്, വാസുദേവന് വിഷ്ണുദാസ്, കിരണ് ജോണി(വള്ളിത്തോട്ടത്തില് പൈലി), കോട്ടയം സ്വദേശി കെ വിമല്കുമാര്, രാജന് പുതിയപുരയില് എന്നിവരാണ് മരിച്ച മലയാളികള്.
മറ്റ് ഇന്ത്യക്കാരില് രണ്ടു പേര് മുംബൈ സ്വദേശികളും ഒരാള് രാജസ്ഥാന് സ്വദേശിയുമാണ്. പെരുന്നാള് അവധിയാഘോഷിക്കാന് ഒമാനില് പോയി മടങ്ങുന്നവരടക്കം ആകെ 31 യാത്രക്കാരാണു ബസിലുണ്ടായിരുന്നത്. റാഷിദിയ്യ മെട്രോ സ്റ്റേഷനു സമീപത്ത് ഉയരമുള്ള വാഹനങ്ങള് പ്രവേശിക്കുന്നത് തടയാന് വച്ചിരുന്ന കവാടത്തിലേയ്ക്ക് ബസ് ഇടിച്ചുകയറുകയായിരുന്നു.
https://www.facebook.com/Malayalivartha