കൊച്ചിയിലെ തിരക്കേറിയ എം.ജി. റോഡില്‍ യുവാവ്‌ പ്രതിഷേധ നഗ്നയോട്ടം നടത്തി. തിങ്കളാഴ്‌ച വൈകിട്ട്‌ നാല്‌ മണിക്കാണ്‌ സംഭവം. മനുഷ്യാവകാശ കമ്മീഷന്‍ ചെയര്‍മാന്‍ രാജിവയ്‌ക്കണമെന്നാവശ്യപ്പെട്ടുകൊണ്ടുള്ള പ്ലക്കാഡ്‌ ഉയര്‍ത്തിപ്പിടിച്ചാണ്‌ യുവാവ്‌ ഓടിയത്‌. മുഖം തുണുകൊണ്ട്‌ മറച്ച്‌ മഹാരാജാസ്‌ ഗ്രൗണ്ടിന്‌ സമാന്തരമായി നൂറു മീറ്ററോളം ഓടിയ യുവാവ്‌ സുഹൃത്തിന്റെ ബൈക്കില്‍ രക്ഷപ്പെടുകയായിരുന്നു. ഇത്‌ കൊച്ചിയിലെ രണ്ടാമത്തെ നഗ്നയോട്ടമാണ്‌. 36 വര്‍ഷം മുന്‍പ്‌ 4 യുവാക്കള്‍ പ്രതിഷേധമായി നഗ്നയോട്ടം നടത്തിയിരുന്നു.