പത്തുവയസുകാരനും എട്ടുവയസ്സുകാരിയും തമ്മില് വിവാഹിതരായി, നിയമപരമായ നടപടികള് ഒന്നും നടന്നിട്ടില്ലാത്തതിനാല് വീണ്ടും വിവാഹം നടത്തും, പ്രായപൂര്ത്തിയാകുമ്പോള് മനംമാറിയാലും വധൂവരന്മാര്ക്ക് പിന്മാറാനാവില്ല!
റുമാനിയയിലെ ക്രെയോവ നഗരത്തില് അനേകം ആളുകളുടെ അകമ്പടിയില്, ആചാരങ്ങളോടെ പത്തുവയസ്സുകാരന്റെയും എട്ടു വയസ്സുകാരിയുടെയും വിവാഹം നടത്തി. ചടങ്ങില് പങ്കെടുത്ത നാടോടി ഗായകര് ദൃശ്യങ്ങള് പകര്ത്തി പ്രചരിപ്പിച്ചതോടെയാണ് സംഭവം പുറംലോകം അറിഞ്ഞത്.
അനേകം രാജ്യങ്ങളെ പോലെ തന്നെ ബാലവിവാഹത്തിന് നിരോധനമുളള രാജ്യമാണ് റുമാനിയ. ജിപ്സികളുടെ ഇടയിലെ ഒരു ആചാരം എന്ന നിലയിലാണ് വിവാഹം നടന്നത്. നാലുവര്ഷം മുമ്പ് ജിപ്സികള് ഇതുപോലെ വിവാഹം നടത്തിയതിന് അറസ്റ്റ് ചെയ്യപ്പെട്ടിരുന്നു.
നാടോടി സംഗീതത്തിന്റെ അകമ്പടിയോടെ നൃത്തം ചവിട്ടുന്ന വരന്റെയും വധുവിന്റെയും ദൃശ്യങ്ങള് നിമിഷങ്ങള്ക്കകം തന്നെ സമൂഹമാധ്യമങ്ങളില് വൈറലാകുകയും ചെയ്തു. എല്ലാവര്ക്കും കാണാന് വേണ്ടി വധുവിനെ സ്റ്റൂളില് കയറ്റി നിര്ത്തിയാണ് ചടങ്ങുകള് നിര്വഹിച്ചതും. പാട്ട് ഇടയ്ക്ക് നിര്ത്തുമ്പോള് പയ്യനോട് കളിപ്പാട്ടം അവിടെ വയ്ക്കൂ ഇന്ന് നിന്റെ കല്യാണമാണെന്ന് പറയുന്നത് കേള്ക്കാം. അതേസമയം രണ്ടുകുട്ടികളെ എന്നന്നേക്കും ഒന്നിപ്പിക്കുമെന്ന് വാഗ്ദാനം ചെയ്യിക്കുന്ന ഈ പരിപാടി വെറും ആചാരം മാത്രമാണെന്നും യഥാര്ത്ഥ വിവാഹമല്ലെന്നും രണ്ടു കുട്ടികളുടേയും യഥാര്ത്ഥ വിവാഹം പിന്നീട് പ്രായമാകുന്നതോടെയാകും ഉണ്ടാവുക എന്നും പങ്കെടുത്തവര് പറയുന്നു.
2011-ലും റുമാനിയയില് സമാനമായ സംഭവം നടന്നിരുന്നു. മോള്ഡാവിയയില് ആയിരുന്നു ബാലവിവാഹം നടന്നത്. എട്ടു വയസ്സുള്ള പയ്യനും ഏഴു വയസ്സുള്ള പെണ്കുട്ടിയുടെയും വിവാഹമാണ് നടത്തിയത്. സംഭവം അറിഞ്ഞ് പൊലീസ് എത്തിയെങ്കിലും നിയമപരമായ നടപടികള് ഒന്നും നടന്നിട്ടില്ലെന്ന് മനസിലായതോടെ കേസെടുത്തിരുന്നില്ല.
https://www.facebook.com/Malayalivartha