ജ്വല്ലറിയില് കവര്ച്ചക്കാരെത്തിയത് തോക്കുമായി , ജീവനക്കാര് അവരെ ഓടിച്ചത് വാളുമായി നേരിട്ട്!
27 NOVEMBER 2018 02:47 PM IST
മലയാളി വാര്ത്ത
ജ്വല്ലറിയില് കവര്ച്ചയ്ക്കെത്തിയ മോഷ്ടാക്കളെ ജീവനക്കാര് വാള് വീശി ഭയപ്പെടുത്തിയോടിക്കുന്നതിന്റെ സിസിടിവി ദൃശ്യങ്ങള് പുറത്ത്. സംഭവം കാനഡയിലെ മിസിസാഗയിലാണ്.
ഇവിടെ പ്രവര്ത്തിക്കുന്ന അശോക് ജൂവല്ലേഴ്സില് കവര്ച്ച നടത്താനാണ് മോഷ്ടാക്കള് ശ്രമിച്ചത്. കടയുടെ ഗ്ലാസ് തകര്ത്ത് അതില് കൂടി അകത്ത് പ്രവേശിക്കുവാന് ശ്രമിച്ച മോഷ്ടാക്കളുടെ പക്കല് തോക്കുണ്ടായിരുന്നു.
ഒരാള് അതിനുള്ളില് പകുതിയോളം ശരീരം കടത്തി വെടിവെച്ചുവെങ്കിലും തോക്ക് ജാം ആയതിനാല് ആ ശ്രമം വിഫലമായിപ്പോയി.
ഈ സമയം ജീവനക്കാര് വാളുമായി പ്രതിരോധിച്ചപ്പോള് മോഷ്ടാക്കള് ജീവനും കൊണ്ട് സ്ഥലത്തു നിന്നും ഓടി പോകുകയായിരുന്നു.
സംഭവത്തില് ആര്ക്കും പരിക്കേറ്റിട്ടില്ല. സ്ഥലത്തെത്തിയ പോലീസ് സംഭവത്തെക്കുറിച്ച് അന്വേഷിക്കുകയാണ്. കടയ്ക്കുള്ളിലെ സിസിടിവിയിലാണ് ഈ ദൃശ്യങ്ങള് പതിഞ്ഞത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
