പ്രൊഫഷണല് റസ്ലിംഗ് മത്സരത്തിനിടെ എതിരാളിയുടെ തലയില് കോണ്ക്രീറ്റ് കട്ട എറിഞ്ഞ് ഗുരുതരമായി പരിക്കേല്പ്പിച്ചു!
മെക്സിക്കോയില് റസ്ലിംഗ് മത്സരത്തിനിടെ എതിരാളിയുടെ തലയില് വലിയ കോണ്ക്രീറ്റ് കട്ട എടുത്തെറിയുന്നതിന്റെ ഭീകരദൃശ്യങ്ങള് പുറത്ത്. മെക്സിക്കന് ഡെത്ത് മാച്ച് എന്ന പരിപാടിയുടെ ഇടയിലാണ് സംഭവം.
പരിക്കേറ്റ 54- കാരനായ എല് ക്യൂഎര്വോ എന്നയാളെ ഗുരുതരാവസ്ഥയില് ആശുപത്രിയില് പ്രവേശിപ്പിച്ചിരിക്കുകയാണ്. ഹെക്ടര് ഗോണ്സാല്വസ് എന്നയാളാണ് എല് ക്യൂഎര്വോയെ മാരകമായി പരിക്കേല്പ്പിച്ചത്. അദ്ദേഹത്തിന്റെ തലയ്ക്കുള്ളില് കട്ട പിടിച്ച രക്തം നീക്കം ചെയ്യന് ശസ്ത്രക്രിയ നടത്തി.
സംഭവം വിവാദമായതിനെ തുടര്ന്ന് ഹെക്ടറിനെ മെക്സിക്കന് ബോക്സിംഗ് ആന്ഡ് റെസലിംഗ് കമ്മീഷന് പരിപാടികളില് നിന്നും സസ്പെന്ഡ് ചെയ്തിരിക്കുകയാണ്.
താന് എല് ക്യൂഎര്വോയുടെ പിറകിലേക്കാണ് എറിഞ്ഞതെന്നും എന്നാല് അത് ലക്ഷ്യം തെറ്റി അദ്ദേഹത്തിന്റെ തലയില് കൊള്ളുകയായിരുന്നുവെന്നുമാണ് ഹെക്ടര് വിശദീകരണം നല്കുന്നത്.
ഹെക്ടര് കോണ്ക്രീറ്റ് കട്ട എടുത്ത് എറിയുന്നതിന്റെ വീഡിയോ ദൃശ്യങ്ങള് ഇതിനോടകം തന്നെ സോഷ്യല്മീഡിയയില് കത്തിപ്പടര്ന്നിരിക്കുകയാണ്.
https://www.facebook.com/Malayalivartha
