ലെവല് ക്രോസില് കാത്ത് നില്ക്കുന്നതിനിടെ ട്രെയിന് കടന്നുപോയി,. ആ ട്രെയിനിന്റെ മറുവശത്തു കൂടി ട്രെയിന് വരുന്നത് അറിയാതെ ട്രാക്ക് ക്രോസ്സ് ചെയ്തു സൈക്ലിസ്റ്റ്, എന്ത് സംഭവിച്ചെന്ന് കാണൂ...
ആളില്ലാ ലെവല് ക്രോസിങ്ങുകളില് അപകടത്തിനുള്ള സാധ്യതയെത്ര കൂടുതലാണെന്ന് , നെതെര്ലാന്ഡ്സിലെ റെയില്വേ ഇന്ഫ്രാസ്ട്രക്ചര് ഏജന്സി പുറത്തു വിട്ട ഒരു വീഡിയോ കണ്ടാല് മനസ്സിലാകും.
ഒരാഴ്ച മുന്പ് സോഷ്യല് മീഡിയയില് പോസ്റ്റ് ചെയ്ത പ്രസ്തുത വിഡിയോയില് ട്രെയിന് കടന്നു വരുന്നത് കാണാതെ റെയില്വേ ലൈന് ക്രോസ് ചെയ്ത സൈക്ലിസ്റ് തലനാരിഴ വ്യത്യാസത്തിന് രക്ഷപ്പെടുന്നതാണ് കാണിക്കുന്നത്.
ഗെലീനിന്റെ പ്രാന്ത പ്രദേശത്തു നിന്ന് ഏതാനും മാസം മുന്പ് പകര്ത്തിയ ദൃശ്യങ്ങള് പ്രൊറെയില് അടുത്തിടെ മാത്രമാണ് പുറത്തു വിട്ടതെന്നാണ് ലോക്കല് 12.കോം പറയുന്നത്. ഏതായാലും വീഡിയോ വൈറല് ആയി.
ഒരു ട്രെയിന് കടന്നു പോകാനായി ലെവല് ക്രോസില് കാത്തു നില്ക്കുന്ന സൈക്ലിസ്റ്റിനെയാണ് ദൃശ്യങ്ങളില് ആദ്യം കാണുന്നത്.ആ ട്രെയിന് കടന്നു പോയ ഉടനെ തന്നെ തന്റെ സൈക്കിളില് റെയില്വേ ലൈന് ക്രോസ്സ് ചെയ്യാനായി ചവിട്ടി തുടങ്ങുന്നു.
എന്നാല് കടന്നു പോയ ട്രെയിനിന്റെ മറുവശത്തു കൂടി അടുത്ത ട്രാക്കിലൂടെ മറ്റൊരു ട്രെയിന് എതിര് ദിശയില് വരുന്നുണ്ടായിരുന്നു. എന്നാല് ട്രെയിന് കടന്നു പൊയ്ക്കൊണ്ടിരുന്നതിനാല് ഈ സൈക്കിള് യാത്രക്കാരന് രണ്ടാമത്തെ ട്രെയിന് കണ്ടതേ ഇല്ല..
അത് കൊണ്ട് തന്നെ സൈക്കിള് അടുത്ത ട്രാക്കിലേക്ക് കയറി കഴിഞ്ഞതിനു ശേഷമാണ് അയാള്, ആ ട്രാക്കിലൂടെയും ഒരു ട്രെയിന് വരുന്നുണ്ടായിരുന്നു എന്ന് മനസ്സിലാക്കിയത്.
എന്തായാലും ഭാഗ്യം എന്നെ പറയേണ്ടു. പെട്ടെന്ന് പെഡല് ചെയ്തു സൈക്കിളിന്റെ ചക്രത്തെ റെയില്വേ ട്രാക്കിനു പുറത്തെത്തിക്കുവാന് അയാള്ക്ക് കഴിഞ്ഞു. ഒരു തലനാരിഴയ്ക്കാണ് അയാളെ ഇടിയ്ക്കാതെ ട്രെയിന് കടന്നു പോയത്.
8 ലക്ഷത്തിലധികം വ്യൂസ് ആണ് ഈ വീഡിയോയ്ക്ക് ലഭിച്ചത്. രാജ്യത്തെ എല്ലാ ലെവല് ക്രോസിങ്ങുകളിലും കാവല്ക്കാരനെ വയ്ക്കണമെന്ന ആവശ്യം ഉന്നയിയ്ക്കുന്നവരാണ് പ്രൊ റെയില്.
https://www.facebook.com/Malayalivartha
