റോഡിലൂടെ കൊണ്ടുപോയ ലോകത്തിലെ ഏറ്റവും വലിയ ലോഡ്!
വളരെ ദുര്ഘടം പിടിച്ച പണി ആണ് മാമത്ത് എന്ന ഹെവി ട്രാന്സ്പോര്ട്ട് കമ്പനി ഏറ്റെടുത്തത്. 300 അടി ഉയരവും, 900 ടണ് ഭാരവും, അത് വലിച്ചു കൊണ്ട് പോകാന് ആകെ 590 അടി നീളമുള്ള വാഹനവ്യൂഹവും ഒക്കെ ആവശ്യമുള്ള വലിയ ഒരു ലോഡ് എങ്ങനെ റോഡിലൂടെ ലക്ഷ്യ സ്ഥാനത്ത് എത്തിക്കും?
കാനഡയിലെ ഹേര്ട്ട് ലാന്ഡ് പെട്രോകെമിക്കല് കോപ്ലക്സിലേയ്ക്കാണ് ഇത്രവലിയ ലോഡ് എത്തിയത്. പ്രൊപൈന്, പ്ലാസ്റ്റിക്കാക്കി മാറ്റുന്ന വലിയ റിയാക്ടറായിരുന്നു ലോഡ്. 6 ലോറികളും രണ്ട് ട്രെയിലറുകളും ചേര്ന്ന് വഹിച്ച ലോഡ് ഏകദേശം 40 കിലോമീറ്റര് വരുന്ന ദൂരം പിന്നിടാന് എടുത്തത് 4 ദിവസമാണ്.
കാനഡയിലെ ആല്ബര്ട്ടയിലൂടെ പോകുന്ന ഏറ്റവും വലിയ ലോഡ് എന്നാണ് അധികൃതര് ഇതിനെ വിശേഷിപ്പിച്ചത്. മാമത്ത് എന്ന ഹെവി ട്രാന്സ്പോര്ട്ട് കമ്പനിയാണ് ഈ വെല്ലുവിളി ഏറ്റെടുത്ത് പൈപ്പ് ലക്ഷ്യസ്ഥാനത്ത് എത്തിച്ചത്.
സെല്ഫ് പ്രൊപ്പല്ഡ് മോഡുലാര് ട്രാന്സ്പോര്ട്ടര് ഉപയോഗിച്ച് നീക്കിയ പൈപ്പിനെ വലിക്കാന് 6 ലോറികള് വരെ ഉപയോഗിച്ചു. റിയാക്ടര് കയറ്റിയ സെല്ഫ് പ്രൊപ്പല്ഡ് മോഡുലാര് ട്രാന്സ്പോര്ട്ടര് ട്രെയിലറിനും വലിക്കാന് ഉപയോഗിച്ച 6 ലോറികള്ക്കും അടക്കം ഏകദേശം 900-ല് അധികം ടയറുകളുണ്ടായിരുന്നു എന്നാണ് പ്രദേശിക മാധ്യമങ്ങള് റിപ്പോര്ട്ട് ചെയ്യുന്നത്.
https://www.facebook.com/Malayalivartha