വധുവിന്റെ 'കള്ളക്കരച്ചില്' വൈറലാക്കി കൂട്ടുകാര്!
ടിക്ക്ടോക്കില് ഇപ്പോള് സര്വ്വസാധാരണമാണ് വിവാഹത്തിന് ശേഷമുള്ള വധുവിന്റെ വിടപറയല് രംഗങ്ങള്. പലതും ഹൃദയസ്പര്ശിയായിരിക്കുകയും ചെയ്യും.
എന്നാല് ഇപ്പോള് വൈറലാകുന്നത്, ടിക്ക് ടോക്ക് കാരണം സുഹൃത്തുക്കളില് നിന്ന് പണികിട്ടിയ ഒരു വധുവിന്റെ വിഡിയോയാണ്.
വിവാഹശേഷം കാറില് കയറുന്നതിന് മുന്പ് വധു സഹോദരനെയും അമ്മയേയും ബന്ധുക്കളെയുമൊക്കെ കെട്ടിപ്പിടിച്ച് പൊട്ടിക്കരയുന്നു. നാച്ച്യുറല് എന്നു നമ്മള് വിചാരിച്ചിരിക്കുമ്പോഴാണ് അതിന്റെ തൊട്ടുപിന്നാലെ വിവാഹത്തിന്റെ തലേദിവസം വധു കൂട്ടുകാരെ വിഡിയോ എടുക്കാന് ചട്ടംകെട്ടുന്നതിന്റെ വിഡിയോയും വരുന്നത്.
ഇത് കൂട്ടിചേര്ത്താണ് സുഹൃത്തുക്കള് ടിക്ക്ടോക്കില് പങ്കുവെച്ചത്. നിനക്ക് എപ്പോഴാ വിഡിയോ വേണ്ടതെന്ന് ചോദിക്കുമ്പോള് 'ചോറുണ്ട് കാറില് കയറാന് പോകുമ്പോള് ഞാന് കരയും. അപ്പോള് വിഡിയോ എടുക്കണ'മെന്ന് വധു പറയുന്നുണ്ട്.
ഇത് കേട്ട് ഒപ്പം നിന്ന ഒരു സുഹൃത്ത് നിനക്ക് ആ സമയത്ത് കരച്ചില് വരുമോ? പറ്റുമോയെന്ന് സംശയം പ്രകടിപ്പിക്കുമ്പോള് അതൊക്കെ പറ്റും, നീ വിഡിയോ എടുത്ത് പാട്ടും ചേര്ത്ത് ടിക്ക്ടോക്കില് ഇടണമെന്ന് വധു പറയുന്നതും വ്യക്തമായി കേള്ക്കാം.
ഏതായാലും വധുവിന്റെ 'കള്ളക്കരച്ചിലി'നേക്കാള് വൈറലായത് ഈ വിഡിയോയാണ് എന്നാണ് കണ്ടവരുടെ കമന്റ്.
https://www.facebook.com/Malayalivartha
