കോണ്ഗ്രസുകാരനായിരുന്ന പിതാവ് സ്നേഹം മൂത്ത് മക്കള്ക്ക് രാഹുല് ഗാന്ധിയെന്നും, രാജീവ് ഗാന്ധി എന്നും പേരിട്ടു; ഇന്ന് അപരനായി വന്ന് രാഹുലിന് 'പാര'യായി!
ഗാന്ധികുടുംബത്തോടുള്ള സ്നേഹം കൊണ്ടാണ് രാഹുല് ഗാന്ധിയുടെ അപരനായ രാഹുല് ഗാന്ധിക്കും സഹോദരന് രാജീവ് ഗാന്ധിക്കും കോണ്ഗ്രസുകാരനായിരുന്ന കാലത്ത് പിതാവ് അങ്ങനെ പേരിട്ടത്
എരുമേലിയില് ജനിച്ചു വളര്ന്ന രാഹുല് ഗാന്ധിയും രാജീവ് ഗാന്ധിയും ഇപ്പോള് ഇടതുപക്ഷത്തിനൊപ്പമാണ്. രാഹുല് വയനാട്ടില് റോഡ്ഷോ നടത്തി തകര്ക്കുമ്പോള് എരുമേലി മുട്ടപ്പള്ളിയിലെ വീട്ടില് അപരനെ അന്വേഷിച്ച് പലരും എത്തി. ആളെ കാണാനില്ല. മൂന്നുദിവസം മുമ്പ് വീട്ടിലെത്തി മടങ്ങിയ ഈ രാഹുല് ഗാന്ധി ഇപ്പോള് മറഞ്ഞിരിക്കുകയാണ്.
യഥാര്ഥ രാഹുല് ക്രോണിക് ബാച്ചിലറാണെങ്കിലും അപരന് വിവാഹിതനാണ്. വീട്ടുകാര്ക്ക് ഒരു സൂചന പോലും നല്കാതെയായിരുന്നു രാഹുലിന്റെ നീക്കം.അച്ഛന്, ഇളയാനിത്തോട്ടത്തില് കുഞ്ഞുമോന്, കോണ്ഗ്രസ് പ്രവര്ത്തകനായിരുന്നു. പിന്നീട് കുഞ്ഞുമോന് ഇടതുപക്ഷ അനുകൂലിയായെങ്കിലും മക്കളുടെ പേരില് മാറ്റമുണ്ടായില്ല. എസ്എസ്എല്സി ബുക്ക് ഉള്പ്പെടെ എല്ലാ ഔദ്യോഗിക രേഖകളിലും അവര് രാഹുല്ഗാന്ധിയും രാജീവ് ഗാന്ധിയുമാണ്.
നാടന് പാട്ട് കലാകാരന് കൂടിയായ രാഹുല് ഇടതുപക്ഷ അനുഭാവിയും സഹോദരന് രാജീവ് ഗാന്ധി ഡിവൈഎഫ്ഐ അംഗവുമാണ്. കേരള സര്വകലാശാല കാര്യവട്ടം ക്യാംപസില് ഭാഷാ ശാസ്ത്ര വിഭാഗത്തില് ഗവേഷകനാണ് രാഹുല് ഗാന്ധി. സംസ്ഥാന സര്ക്കാരിന്റെ നാടന് കലാകാരന്മാര്ക്കുള്ള പുരസ്കാരത്തിനും ഇ കെ രാഹുല് ഗാന്ധി അര്ഹനായിട്ടുണ്ട്. രാഹുല് കൊച്ചാപ്പി എന്ന അപരനാമത്തിലാണ് ഈ അപരന് ഇപ്പോള് അറിയപ്പെടുന്നത്.
https://www.facebook.com/Malayalivartha