ശാന്തസ്വഭാവത്തിന്റെ അംബാസഡറായ ധോണി ചൂടായി, എന്നാല്‍ അത്രയ്ക്കു വേണ്ട, ഒന്നു പേടിപ്പിച്ചു വിട്ടാല്‍ മതി, നന്നായിക്കോളാമെന്ന് ചഹര്‍!
പഞ്ചാബിനെതിരായ ഐപിഎല്‍ മത്സരത്തിനിടെ സൂപ്പര്‍ കൂള്‍ ധോണിയുടെ കണ്‍ട്രോളും പോയി! പഞ്ചാബിനെതിരായ ഐപിഎല്‍ മത്സരത്തിന്റെ 19-ാം ഓവറില്‍ ദീപക് ചഹര്‍ തുടര്‍ച്ചയായി രണ്ടു നോ ബോള്‍ എറിഞ്ഞപ്പോഴാണ് ശാന്തസ്വഭാവത്തിന്റെ അംബാസഡറായ ധോണി ചൂടായത്.
പഞ്ചാബിനു വിജയത്തിലെത്താന്‍ 12 പന്തില്‍ 39 റണ്‍സ് മാത്രം വേണമെന്നിരിക്കെയാണ് ചഹറിനു പിഴച്ചത്. ധോണിയുടെ ഭാവവ്യത്യാസം ചാഹറിനെ ഞെട്ടിച്ചുകളഞ്ഞു.
തനിക്കുനേരെ ക്ഷുഭിതനായി നടന്നടുത്ത ധോണിയെക്കണ്ട ചഹര്‍ അറിയാതെ, 2 ചുവടു പിന്നോട്ടു വച്ചുപോയി.
എന്നാല്‍ പെട്ടെന്നു തണുത്ത ധോണി ചഹറിനെ കാര്യമായി ഉപദേശിച്ചുവിട്ടു! അതോടെ, ചഹര്‍ ശക്തമായി തിരിച്ചടിച്ചു.
ആദ്യ 2 പന്തില്‍ ഫ്രീഹിറ്റുകളില്‍ 6 റണ്‍സ് വിട്ടുനല്‍കിയ ചാഹര്‍ പിന്നീട് ആ ഓവറില്‍ വഴങ്ങിയത് 7 റണ്‍സ് മാത്രം. ഡേവിഡ് മില്ലറുടെ വിക്കറ്റും നേടി. മത്സരം ചെന്നൈ 22 റണ്‍സിനു ജയിക്കുകയും ചെയ്തു.
https://www.facebook.com/Malayalivartha
